Yesaia 9:12 - ICIGHAN BIBILO

¹² ka Mbashiria sha vegher u sha ityoughkitaregh man Mbafiliti vegher u shin ityôtar la; ve gema ve aver zwa, ve mena Iserael. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 9:12 Iomraidhean Croise

2 Utor 16:6

Hen shighe la, Reshin tor u Shiria shi ngohol Elati hingir ijiir i Shiria, a zenda Mbayuda ken Elati kera; nahan Mbashiria va hen Elati, ve va tema ker zan zan nyian.

2 Kroniku 28:18

Mbafiliti kpaa va nôngo ityav a agar a shin pev man a ken tar u Imbusutariyan u Yuda la, ve ngohol Bete-shemeshi man Aiyalon man Gederoti man Soko kua agar a ve, man Timna a agar a na, man Gimso a agar a na; maa ve tema her je.

Upasalmi 79:7

Gadia ve ya Yakob, ve vihi ijiir na i teman kera.

Yesaia 10:4

Vea gba ngurum inya er mbakwarev nahan tsô, vea gba inya er mba i woo ve yô. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 11:14

Vea purugh vea gba sha avande a Mbafiliti vegher u shin ityôtar; ve uhar cii vea num ior i sha vegher u sha ityoughkitaregh, vea penda ave ve sha Edom kua Moabi; Mbaamon vea hingir sha ikev ve.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 5:25

Ka nahan man iyugh i TER i kende sha ior Nav ye, man shi A naregh uwegh Nagh sha u eren num a ve; A tsaha ve, iwo kpaa tenger, man akom a ve hingir er ihôghonov nahan ker atô u akômaigbinda. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 9:21

Manase ya Eferaim, Eferaim di Manase, ve imôngo cii ve kôr Yuda ihom. Nahan kpaa iyugh Na ngi a kar kera ga kpa uwegh Nagh ku naregh ku di her tsô.

Yeremia 10:25

Haa ishimavihin You sha akuraior a a fe U ga yô, man sha icombor i i yer sha iti You ga la; gadia ve ya Yakob puru, een, ve ya un, ve bee un, ve tim ijiir na kera.

Yeremia 15:7

M peer ve sha tser hen ihinda i tar ve la; M tsuwe ve ônov kera, M tim ior Av; ve undu igbenda ve la ga.

Yeremia 35:11

Kpa er Nebukadinesar tor u Babilon va sha tar ne yô, se kaa ser: Sé yem nen ken Yerusalem sha ci u cian mbautyav mba Mbakaldi, man sha ci u cian mbautyav mba Mbashiria, ka nahan se va tem ken Yerusalem ye.

Yeremia 4:8

Sha ci u nahan yô, ta nen ibashôhô uya, gber nen kwelegh, vaa nen, gadia ishima i vihin i tsung i TER la, ngi a gema sha u undun se ga.

Esekiel 16:27

Nahan nenge, M naregh uwegh Agh sha a we, M pande kwaghyan wou, M gema u, M na u sha ikev i mba ve ker u ihom la, ka ônkasev mba Mbafiliti, mba kunya u ker ve sha ci u aeren a ou a ijimbagh la.

Esekiel 6:14

Me naregh uwegh Agh sha a ve, Me vihi tar, ua hingir ice, hii hen desereti zan zan ar hen Dibela hen ajiir a ve a teman cii, man vea fa er Mo M lu TER ye.

Hosea 7:10

Ihagh i Iserael ngi nan un ibo ken igbar je, nahan kpaa ve hide hen TER Aôndo ve ga, ve kera ker Un kpaa ga.

Amoshi 4:10

M haa ne bouange, sha inja i Igipiti la; M wua ikaior yen sha sanker, M kar a anyinya a en kera; M na ihuma i ken afo a en i nyôr ken ahenga a en je; nahan kpaa, ne hide her a Mo ga, kape TER A kaa ne.

Amoshi 4:11

M yôhôl ne er Aôndo yôhôl Sodom man Gomora nahan, ne lu er ityôndo i i sase duen a mi ken usu yô; nahan kpaa, ne hide her a mo ga, kape TER A kaa la.

Amoshi 4:6

M gema M na ne mwanger u anyiigh ken agar a tamen a en cii, man mban u kwaghyan ken ajiir a en a teman cii; nahan kpaa, ne hide her a Mo ga, kape TER A kaa ne.

Amoshi 4:8

Ka nahan man agar a tamen ahar shin atar lu zan ze ze ze hen gar môm sha u za man mngerem, kpa kuma a ga; nahan kpaa, ne hide her a Mo ga, kape TER A kaa ne.

Amoshi 4:9

M tsaha ne sha mhie u iyiav man yien; M vihi ishule yen man ikon i wain yen; ikon i tur yen man ikon i olev, ikomon ya; nahan kpaa, ne hide her a Mo ga, kape TER A kaa ne.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Sefania 3:2

Ongo kwagh ga, rumun mkôôm ga, suur sha TER ga, man kporom ikua ikua a Aôndo na kpaa ga.

Duteronomi 31:17

Tsô sha iyange la iyugh Yam ia kende sha a ve, Me gbihi ve kera, Me yer ve ishigh Yagh, á omon ve, akaavihin man atsan kpishi aa tser ve; sha iyange la vea kaa er: Kera ka sha ci u Aôndo wase A lu a vese ga, man akaabo ne a tser se nahan ye gaa?