Yesaia 8:22 - ICIGHAN BIBILO

²² vea kenger shin inya, kpa nenge, ka ican man ime, ime i cier iyol; á zenda ve vea nyôr ken angôghime.

Yesaia 8:22 Iomraidhean Croise

Yobu 18:18

I zenda nan ken iwanger kera, nan yem ken ime, i hure nan shin tar kera kpaa.

Ekesodu 10:21

Tsô TER kaa a Mose er: Naregh uwegh ough Sha, sha er ime i̱ wa ken tar u Igipiti, imbaime i ia wa je á bende i ave yô.

Ekesodu 10:22

Mose naregh uwegh nagh Sha, nahan angôghime wa ken tar u Igipiti cii, ayange atar;

Anzaakaa 14:32

Iferor ka nan gba sha ifer i nan, kpa orperapera yô, ka nan lu a mwar ken ku u nan je kpaa.

Yesaia 30:6

Mkaanem ma Aôndo sha ishôso i ken tar u Imbusutariyan la. Mba karen ken tar u ican man u nyian ishima, henpe ngôbegha man nombegha man igbinde man iyôusu i purugh ve dugh la; ve tôô inyarev sha ajime a agumajaki, man akaa a ve a injaa kpaa sha agundu a urakumi, ve yem hen ior igen i i lu ve a ma inja ga yô.

Yesaia 5:30

Sha iyange la ahura á ta sha a ve er ihuran i zegemnger nahan; aluer or nana nenge shin tar yô, nana nenge a ime i ican, iwanger ia hingir ime sha ci u abeen.

Yesaia 50:11

Yô, ne mba ne keer usu cii, mba ne zeren akagh a usu iyol, zende nen ken nomborusu wen, man ken akagh a usu a ne tsar yô. Ka sha ikev Yam je kwagh ne una tser ne ye: nea yav inya a mnyoonom iyol.

Yesaia 50:3

Ka M cir Usha sha angôghime, M gema ibashôhô hingir ve ikondo i cirin.

Yesaia 59:9

Ka nahan man ijirôron sha mimi i gbe ca a vese, perapera kpaa a ar sha a vese ga ye, se mba keghen iwanger, kpa ime gema ngi, se mba keghen mmondo u iwanger kpa se mba geman zenden ken angôghime.

Yesaia 60:2

Gadia, nenge, ime ia cir tar, man angôghime kpaa una cir akuraior; kpa we yô, TER Una mondo iwanger sha a we, iengem Na kpaa á nenge a i sha we.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Yesaia 9:1

Ime kera ngi sha ci u un u a lu ken ican la ga. Sha ayange a ngise la A gema tar u Sebulon kua u Nafetali, hingir kwagh u iheenegh; kpa sha ayange a masetyô yô, Una civir ian i yemen shin zegemnger, yande Yordan, veghertar u akuraior la.

Yesaia 9:20

Mba tsugh kwagh vegher u ken uwegh ku yanegh, nahan kpaa ijen ngi kôron ve her, mba ye kwagh ken uwegh ku imesegh kpa ka kom ve ga; vea ya inyam, hanma or inyam i uwegh ku nan iyol i nan;

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Yeremia 23:12

Nahan yô, gbenda ve ua hingir ve er ka ajiir a lyemen ken ime; á mgbegha ve vea gba shimi; gadia Me haa kwaghbo sha a ve sha inyom i á va tsaha ve la, kape TER A kaa ne.

Mateu 22:13

Tsô tor kaa a mbatomov er: Kange nen un ave kua angahar, gbihi nen ken ime i ken won. Keregh mliam maa lu kua anyi a yan kpaa.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 8:12

kpa á gema á dugh ônov mba tartor á haa ve ken ime i ken won la; mliam maa lu keregh kua anyi a yan kpaa.

Yuda 1:13

Ka agôndo a zegemnger a yemen iuuu, ka ve mbua hugh sha kunya ve ayol a ve, ka asan a tsumen gbenda, ka ior mba i ver angôghime sha ci ve gbem yô.

Mpase U Yohane 16:10

Ortyom u Sha u sha utaan la haa gbande na sha ikônough ki torough ki inyam la, maa tartor u i wa ime, ior gba nyuman iniombor ve sha ci u mnyoon.