Yesaia 8:19 - ICIGHAN BIBILO

¹⁹ Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Yesaia 8:19 Iomraidhean Croise

Genese 41:24

Asagher a tsaasaa la mena asagher a ataankarahar a doon la; m gema m ôr mbaahiriv ma, kpa mô ve môm fatyô u pasen mo ma ga.

2 Utor 1:3

Kpa ortyom u TER kaa a Eliya Ortishibi er: Mough kôndo, za kohol mbatyomov mba tor u Samaria mbala, pine ve, wer: Aôndo ngu ken Iserael ga, shin ne za pin Baal-sebu aôndo u Ekerono?

2 Utor 21:6

Shi a er wan na kar ken atô u usu, a eren ahir, man lu veren ishima sha ishor i kpehen, a ver mba ve lu a ujijingi mba mbakpenev kua mbatsenganpasen akaa; a er ifer kpishi sha ishigh ki TER, sha u bamen Un.

2 Utor 23:24

Man shi mba ve lu a ujijingi mba mbakpenev man mba tsengan pasen akaa man uterafim man ieev kua akaa a ihôngorough cii a i nenge a mi ken tar u Yuda, man ken Yerusalem yô, Yoshia due a mi kera, sha u una taver akaaôron a atindigh a i nger ken ruamabera u pristi Hilkia zua a mi ken iyou i TER la.

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

2 Kroniku 33:6

Man shi a er ônov nav ve kar ken atô u usu shin pev u wan u Hinom; a eren ahir man lu veren ishima sha ishor i kpehen, man a lu a ukurayol; a ver mba ve lu a ujijingi mba mbakpenev, man mba tsengan pasen akaa; a er ifer kpishi sha ishigh ki TER, sha u bamen Un.

Upasalmi 106:28

Shi ve zua a Baal-peor kangenaa, ve ya nagh ku i ne akaa a a lu uma ga la.

Yesaia 19:3

Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 26:14

Mbakpenev mba nderen ga, ujijingi mba mbakpenev mba moughon ga; ka nahan man Ú va sôr ve, Ú tim ve shi Ú ese m-umbur u ma i umbur ve sha won la kera ye.

Yesaia 29:4

Nahan ú ôr kwagh shin atô u inyaagh, kwaghôron wou una due kur kur shin vuulevu, imo you ia due shin inya er i jijingi u orkpen nahan, man kwaghôron wou kpaa una due hiin hiin shin vuulevu.

Yesaia 30:2

mba yemen senen shin Igipiti, kpa ve pine zwa Wam ga, sha u vea ker mwar ken agee a Farao man vea yer ken mure u Igipiti yô!

Yesaia 45:11

TER, Icighan u Iserael, u A maa un la, ngu kaan nahan er: Pinem kwagh u akaa a aa va er ken hemen la; ônov Av kua tom u ave Am yô, de ve, ve̱ lu sha ikev Yam tsô.

Yesaia 47:12

Gba zan hemen a akaasôron a ou kua ahir a ou a a ngee yum ne, a u lu eren tom u zan we iyol sha mi, hii sha iyev ou la je; alaghga ú fatyô u eren ma kwagh, alaghga ú ta mciem iyol!

Yesaia 47:13

U vôr a mbamhen ou mba kpishiv la; yô, de, mba ve paven Usha, mbanengen asan, mba ve lu ôron we kwagh u á va eren sha iwer iwer la, ve̱ mough ve̱ tile sha, ve̱ yima u sha akaa a á va tser u la.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Yeremia 27:9

Nahan ne yô, de veren nen ato sha uprofeti enev, shin sha mbakpehenasor enev, shin sha mnyam ma cien enem, shin sha mbatsenganfan enev, shin sha mbaahiriv enev kpaa ga, mba ve er kwagh aven ve kaa er: sha ikev i tor u Babilon ga la.

Levitiku 19:31

De ze nen hen ujijingi mba mbakpenev ga, shin mbatsenganpasen akaa kpaa ga, de keren nen ve sha er né hôngor ayol a en sha ve ga; ka Mo TER M lu Aôndo wen yen.

Levitiku 20:6

Or u nan ze hen ujijingi mba mbakpenev man mbatsenganpasen akaa sha u nana er idya sha u dondon ve yô, Me kera saan ishigh a or la ga, Me dugh nan ken nongo u nan kera.

Mika 5:12

Me tim mbaasorov ken uwegh ough kera, ú kera lu a mbaahiriv ken a we ga;

Aerenakaa A Mbaapostoli 16:16

Er se lu zan hen ijiir i msen la yô, wankwase ugen va kohol se, lu a jijingi u tsengan fan akaa, lu nan uter nav mtsera kpishi sha ishor na la.

Duteronomi 18:10

Or u nan er wan u nan u nomso shin u kwase a kar ken usu, i̱ de zough a nan ken a we ga, shin or u kpehen ishor, shin or u eren ahir, shin or u pasen uivande, shin or u lamen ishor,

Duteronomi 18:11

shin or u yangen akombo, shin or u nan pin jijingi u orkpen kwagh, shin nan pin jijingi u tsengan pasen akaa kwagh, shin or u lamen a mbakpenev.

1 Mbatesalonika 1:9

Gadia ve ayol a ve je kpaa mba ôron kwagh wase sha injamnyer i se nyôr her a ven, man er ne gema her Aôndo, ne undu akombo, sha u né eren Aôndo u uma man u mimi la tom,

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

1 Samuel 28:11

Tsô kwase la pine un er: Ka an, m kôndo u a nana? A kaa er: Kôndom a Samuel.

1 Samuel 28:16

Samuel gema kaa er: Ka nyi u pinim, er TER A undu u man A hingir orihom wouwe?

1 Samuel 28:7

Tsô Saulu kaa a mbayev nav er: Kerem nen kwase u a er kwagh a ujijingi mba mbakpenev yô, m̱ za her a nan, m̱ za pine nan kwagh. Mbayev nav kaa a na er: Nenge, kwase u a er kwagh a ujijingi mba mbakpenev yô, ngu ken Endor.

1 Samuel 28:8

Nahan Saulu gema iyol, haa akondo agen, za, un a ior mbagenev uhar a na imôngo, ve va nyôr hen kwase la tugh; a kaa a na er: Shi tsengaôron mo kwagh sha jijingi u orkpen, vam a un u me ter u la.