Yesaia 8:16 - ICIGHAN BIBILO

¹⁶ Kange mpase, cir ityesen, ver ikav sha mi hen mbahenen Av.

Yesaia 8:16 Iomraidhean Croise

2 Utor 11:12

Nahan a due a wan u tor, a cir un idyer i tor, shi a na un Shiada; ve kôr un tor, ve shighe un mkurem sha ityou; ve kure ave, ve kaa er: Tor a̱ tsa sha won!

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Yesaia 50:4

Ter AÔNDO nam nombor u ior mba henen kwagh, sha u Me fa er Me suwe wen u a ver la, sha kwaghôron yô. Hanma sev ka A nderem, ka A bughum ato er M̱ ungwa er ior mba henen kwagh nahan.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Daniel 12:4

Kpa we Daniel cir akaaôron man ver ikav sha ruamabera ne zan zan sha shighe u mkur; ior kpishi vea zende wue wue man mfe kpaa una seer.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Mateu 13:11

A gema A kaa a ve er: Ne yô, i na ne sha u ne̱ fa akaa a myer a tartor u Sha, kpa ve yô, i na ve ga.

Marku 10:10

Ken iyou yô, mbahenen shi pine Un sha kwagh shon ne.

Marku 4:34

Man gbaa ôron ve ma kwagh ga, saa sha injakwagh. Kpa A mase pasen mbahenen Nav akaa cii, ve tseegh.

1 Mbakorinte 2:14

Kpa or u nan lu ken uma u sha marami la tsô yô, nan ngohol akaa a jijingi u Aôndo ga, gadia ka nan akaa a ibume, nan fatyô u kaven a kpaa ga, gadia mba kar a sha inja i jijingi.

Duteronomi 4:45

Ka mbampase man akaawan man atindi a Mose ôr Mbaiserael zum u ve due ken tar u Igipiti la,

Mbaheberu 3:5

Mose yô, lu jighjigh ken ya Na cii, lu ortom sha u una er shiada sha akaa a á va ôr a ken hemen la.

Mpase U Yohane 10:4

Er idyuran i itiankarihiar la dura yô, m wa iyol u ngeren, kpa m ungwa imo due Sha kaa er: Cir kwagh u idyuran i itiankarihiar la i kaa la, ver ikav sha mi, de ngeren ga.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.

Mpase U Yohane 2:17

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan mana u ken myer la, shi Me na nan iwen i pupuu, man sha iwen la yô, i nger iti i he sha mi, i ma or nan fe i ga, saa or u nana ngohol i la.

Mpase U Yohane 5:1

Man ken uwegh ku yanegh ku Un u A tem sha ikônough ki torough la m nenge a ihurenruamabera, i nger un kimi kua ken ijime kpaa i cir un i var un akav ataankarahar.

Mpase U Yohane 5:5

Kpa or môm u ken mbatamen la kaa a mo er: De vaan ga. Nenge, Begha u ken kwe u Yuda, Mise u Davidi la, A hemba; nahan Una bugh ruamabera ne kua akav a na a ataankarahar la kpaa.