Yesaia 8:13 - ICIGHAN BIBILO

¹³ TER u akum a Sha ka Un, tsegha nen Un ye, ka Un A̱ lu ne kwagh u cian, shi A̱ lu ne kwagh u cier iyol kpaa ye.

Yesaia 8:13 Iomraidhean Croise

Genese 31:53

Aôndo u Aberaham man Aôndo u Nahor, Aôndo u ter ve, A̱ ôr ijir her atô wase. Nahan Yakob maa bum Mcieryol u ter na Isaka.

Upasalmi 76:7

Ka We, U kom u á cia U ye; ka an je nana tile U sha ishi zum u U yuwen laa?

Ekesodu 20:20

Tsô Mose kaa a ior er: De cie nen ga, gadia Aôndo va sha u va karen ne a kar tsô, mciem ma cian Un ma lu ne sha ishi, sha er né er isholibo ga yô.

Yesaia 29:23

Gadia zum u un kua ônov nav vea nenge tom u ave Am ken atô ve yô, vea tsegha iti Yam; een, vea tsegha Icighan u Yakob, Aôndo u Iserael Una cier ve iyol.

Yesaia 5:16

kpa TER u akum a Sha yô, á kende Un sha sha ijirôron i mimi, man Aôndo u wang tsegha iyol Na sha perapera.

Esekiel 38:16

wea va ta sha ior Av Iserael er ibeenegh ki ki cir tar nahan; kwagh ne una va er sha ayange a masetyô la; sha shighe la, Me va a we sha u u̱ va nôngo ityav a tar Wam sha u akuraior a̱ fam yô, zum u Me tese mtsegh Wam ken a we sha ashe ve la, we Gogi.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 22:32

De hôngor nen a icighanti Wam ga; i̱ tseghan Mo ken Mbaiserael; ka Mo TER u M tsegh ne,

Malaki 2:5

Ikuryan Yam a Na lu: uma man bem; M na un ve sha u a̱ cia; un kpaa a ciam, a gbidye ikarikase iyol sha ci u iti Yam kpaa.

Numeri 27:14

sha ci u ne hemba ato sha kwaghôron Wam ken desereti u Zin, zum u ior hingir ayôôso la, ne kera tsegham hen mnger sha ashe ve ga yô. Ka mngerem ma Meriba hen Kadeshi ken desereti u Zin je la.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Luka 12:5

Kpa Mo Me kaa ne u a lu u ne cia Un yô; cia nen Un u Una wua man shi Una fatyô u gbihin ken gehena kpaa la; M ngu kaan ne, ka Wen cia nen ye.

Mbaromanu 4:20

A kera ta akpelan sha ityendezwa i Aôndo sha u una na jighjigh ga ze, kpa a taver sha jighjigh u nan, lu nan Aôndo icivir.

Duteronomi 14:23

Ijiir i TER, Aôndo wou, Una tsuwa sha u veren iti Na i̱ luun ker yô, ka hen i, ú yaan môm-ken-upue u iyiav you sha ishigh ki TER, Aôndo wou ye, kua u wain wou man u mkurem ou man ônovmbaiundav mba ibua you man iyôngo you kpaa, sha er ú hen u cian TER, Aôndo wou, gbem yô.

Mpase U Yohane 15:4

We, Tere, ka an je nana cia U ga, man shi ka an nana civir iti You kpaa ga? Gadia ka We tseegh U lu wang ye, akuraior cii aa va aa va gure sha ishigh You gadia i pase ajir a ôron a Ou a jighjigh la ken igbar ve.

1 Samuel 11:7

A kôr ibua ihiar, a sôngo i, a bur aci aci, a tindi a mi ken tar u Iserael cii sha ikev i mbatyomov, a kaa er: Hanma or u nana mough nana dondo sha Saulu kua Samuel ga yô, kape á er a ibua i nan la. Tsô mcieryol u TER haa sha ior, ve due er ka or môm nahan.