Yesaia 8:10 - ICIGHAN BIBILO

¹⁰ Hen nen kwagh ayol a en, kpa una lu a inja ga; ôr nen kwagh, kpa kwagh á er sha mi ga, gadia Aôndo ngu a vese.

Yesaia 8:10 Iomraidhean Croise

Genese 21:22

Hen shighe la, Abimeleki man Pikol, kurutya u ikumutya na, ôr kwagh a Aberaham, kaa er: Aôndo ngu a we ken akaa a u eren cii.

2 Samuel 15:31

Er i va kaa Davidi er: Ahitofel kpaa ngu a mba ve zough zwa a Abesalom la imôngo yô, Davidi kaa er: TERE, shi gema mhen u Ahitofel, a̱ hingir ibumegh.

2 Samuel 17:23

Zum u Ahitofel nenge i er sha mhen na ga yô, a kange jaki na shidi a mough a hide ken ya, ken gar na, a sôr akaa ken ya na, tsô a sende iyol na, a kpe, i ii un shin uwar u ter na.

2 Samuel 17:4

Kwaghôron la doo Abesalom kua mbatamen mba Iserael cii.

2 Utor 6:12

Tsô wanye na ugen kaa er: Ei, terem tor; kpa ka Elisha, profeti u a lu ken Iserael la, a kaan tor u Iserael akaaôron a ou a u er ken iyou you i yaven ye.

2 Kroniku 13:12

Nenge, Aôndo ngu a vese, ngu hemen se kua upristi Nav a ikor i tôngon sha u nôngon ityav a ven. Ne ônov mba Iserael, de nenge nen ityav a TER, Aôndo u uter enev, ga; gadia á kpe ne iyol ga.

Yobu 5:12

Ka A bunde awashima u mbawanayom, nahan ave ve nga kera fetyô u eren ma kwagh u lun vough ga.

Upasalmi 21:12

Gadia Ú er ve, vea gema ijime, Ú urugh ivaan sha ishiv vev.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 46:7

TER u akum a Sha ngu a vese; Aôndo u Yakob ka ijiir yase i yeren. Sela.

Upasalmi 46:8

Va, va nenge nen ityom i TER, A er akaacieryol shin tar,

Anzaakaa 21:30

Ma mfe shin mkav shin mhen u hendan a TER, ngu je ga.

Yesaia 14:27

Gadia TER u akum a Sha wa ishima kera je, man ka an nana bunde unu? Uwegh Nagh ku naregh, yô, ka an nana hule ku?

Yesaia 28:18

Á bunde ikuryan yen a ku la kera, man mzoughzwa wen a Sheol la una taver ga; zum u bocan u van sha agee la una karen yô, una shoghol ne angahar.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 8:8

una kuwa zan zan ken Yuda; una kuwa emememe, una kar; una gba or iker iker je; mnaregh u akper a na una iv igbanger i tar wou cii, we Imanuel.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 42:11

De cie nen tor u Babilon, u ne cie un la ga; de cie un ga kape TER A kaa ne; gadia Mo M ngu a ven sha u waren ne, man sha u yiman ne sha ikev na.

Yeremia 46:28

We, Yakob wanakiriki Wam, de cie ga, kape TER A kaa ne; gadia M ngu a we; gadia Me tim akuraior cii, a M sambe u ken a la, kpa we yô, Me tim u cii ga, kpa Me tsaha u akuma akuma, Me gba den we nahan tsô ga.

Ukwelegh 3:37

Ka anti nana kaa kwagh, man á kure sha mi aluer TER ngu a na zwa ga yôô?

Yoel 3:9

Yôô nen kwagh ne hen akuraior: Kohol nen iyol i utya; nder nen anomaior, ve̱ mough sha; mbautyav cii ve̱ kporom, ve̱ va.

Hagai 1:13

Tsô Hagai ortyom u TER ôr ior loho u TER, a kaa er: M ngu a ven imôngo, kape TER A kaa ne.

Numeri 14:9

Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Mbaromanu 8:13

Gadia aluer nea lu uma sha inja i iyolough yô né kpe, kpa aluer nea wua aeren a iyolough sha Jijingi yô, né lu uma.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

1 Yohane 4:4

Mbayev av, ne due ken Aôndo, ne hemba ve, gadia u A lu ken a ven la, hemba u a lu ken tar la.