Yesaia 7:23 - ICIGHAN BIBILO

²³ Tsô sha iyange la, hanma ijiir henpe ikon i wain ka i lu dubu man i kom u á yam i sha agbenger a azurfa dubu la, ia hingir ijiir i kôrakondo kua usaa.

Yesaia 7:23 Iomraidhean Croise

Genese 3:18

usaa man usagher vea mende u sha mi; ú yaan akaamenden a ken toho;

Yesaia 32:10

Gadia ayange aa kar á hemba inyom i môm kpuaa, tsô né gbidye ikarikase iyol, ne mba ne we iko sha kwagh ga ne, gadia msondo u atam a wain la bunde, á kera zua a ma kwagh ga.

Yesaia 5:10

Gadia sule u wain u u lu indyor pue ua iv gbanggbang uhar tsô, man ikaren i ivor i homer môm (ka efa pue je la) ia va iv efa môm tseegh.

Yesaia 5:6

Me vihi u kera, á kera sôr u agbaa ga, á vughul u kpaa ga; kpa ua mende usaa kua sagher; Me ta abeen icin, á kera nôô ura sha u ga.

Yesaia 7:24

Ka sha avaan kua ada man á va hen ijiir la ye; gadia tar la cii, ua hingir kôrakondo kua usaa.

Yeremia 4:26

M nenge sule u doon iyiagh hingir taaikôngo, agar a u cii, i yôhôl a kera sha ishigh ki TER, sha ishigh ki iyugh Na i tsung la.

Esekiel 12:20

Agar a ior ve tem ken a kpaa, á gema a á hingir ice, man tar la kpaa ua hingir gbilin; man nea fa er Mo M lu TER ye.

Hosea 2:12

Me vihi ikon i wain na man ikon i tur na, i a kaa er: Ka injar yam i mba m doo ve ishima ve nem la; Me gema i ia hingir ikô, inyamtoho ia ya i.

Hosea 9:6

Gadia nenge, ve war mtim, nahan kpaa Igipiti una kohol ve imôngo, man Memfishi una ii ve; akaa a ve a doon a azurfa la, ukôrakondo vea ya dyako sha mi, usaa vea mende ken utenti vev.

Mateu 21:33

Ungwa nen injakwagh igen ne: Orya ugen er sule u wain, wa u gar, time ihungwa i shoghol wain ker, shi maa gôgôyou u taven sha sha u kuran u kpaa, tsô a gema u a na sha ikev i mbashirensule sha tôndo, maa a mough a yem tar ugen.

Mbaheberu 6:8

Kpa aluer ia mende usaa man ishishagh yô, ngi a inja ga, ngi ikua ikua a u wan i ifan. Mkur u ifan la yô, ka u nanden sha usu.