Yesaia 7:16 - ICIGHAN BIBILO

¹⁶ Gadia er wanakiriki la una lu a fa u vendan kwagh u bo man u tsuwan kwagh u dedoo ga je tsô, tar u we u cie utor mba u, uhar mban, á undu u gbilin.

Yesaia 7:16 Iomraidhean Croise

2 Utor 16:9

Tsô tor u Ashiria ungwa imo na; nahan tor u Ashiria kôndo za nôngo ityav a Damaseku, a hemba un je, a kura ior a yem a ve uikangen ken Kir, a wua Reshin.

Yesaia 8:14

Tsô Una hingir icighanjiir man iwen i keman angahar sha mi, man vande u nôngon gbev sha mi, hen uya mba Iserael uhar cii, man shi kper man kwaghhônon kpaa sha ci u mba ve tem ken Yerusalem.

Yesaia 8:4

Gadia er wanakiriki la una lu a fa u yilan er, terem man ngôm ga je tsô, á kura inyaregh ki Damaseku man ishar i á ya ken Samaria la, á za a mi sha ishigh ki tor u Ashiria.

Yesaia 9:11

Nahan TER va a mbaahendanev mba Reshin sha a ve, A tor mbaihomov nav ityô:

Yeremia 7:15

Me ta ne sha ishigh Yagh kera, vough er M vande tan anmgbianev enev, vor u Eferaim la cii kera nahan.

Hosea 5:3

Mo M fa Eferaim, man Iserael kpaa ngum myer ga; gadia hegen yô, we Eferaim, u er idya, Iserael kpaa hôngor.

Hosea 5:9

Eferaim una hingir ice sha iyange i mtsaha la; ken ikwe i Iserael M pase kwagh u una va er kpee yô.

Yona 4:11

man Mo ma M kera war Nineve ga yee? Zegegar ne u ior ve iv kimi je, ve hembe dubu deri môm man dubu ikundu, mba ve fe mkposo u uwegh vegh ku yanegh a ku imesegh ga, man shi uzendenya mba keregh kpishi kpaa.

Duteronomi 1:39

Man shi mbayev enev mba kiriki, mba ne kaa ner á va kura ve la, man ônov enev mba ve fe kwagh u dedoo shin u bo nyian ga ne, ka ve vea nyôr ker ye, ka ve Me na ve u, shi ka ve vea ngohol u ye;