Yesaia 66:3 - ICIGHAN BIBILO

³ Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yesaia 66:3 Iomraidhean Croise

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 21:27

Nagh ku iferor ka kwagh u ndôhôrshima je, man hile aluer nana va a mi sha mhen u boo?

Yesaia 44:19

Mô môm kpaa nan kera hen ken ishima i nan ga, kwaghfan ngu ga, shin mkav kpaa u vea kaa er: Tiôn na ugen m keer usu a min, m kaa bredi sha aka na kpaa, man m mgbagh inyam, m ya; nahan m tôô tiôn na u a shi la, m̱ er kwagh u ndôhôrshima a mini? m̱ gule m̱ civir tiônkono?

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yesaia 57:17

Ka sha ci u ifer i hua na, M yuwe, M gbidye un, M yer ishigh Yagh kera sha ishima i vihin ye; nahan kpaa a hulugh a gba zan gbenda u sha ishima na tsô.

Yesaia 65:12

Me ver ne sha ci u ishôm, né cii né ngurum sha u á sôngo ne; sha ci u zum u M yila la, ne vengese ga, zum u M ôr kwagh kpaa ne ungwa ga, kpa ne er kwaghbo sha ashe Am, ne tsuwa kwagh u a doom la ga yô.

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Yesaia 66:17

Ve mba ve tsegh ayol a ve man ve wanger ayol a ve, ve dondo sha ugen u a lu ve her atô la sha u vea nyôr ken ishule yô, mba ve ye inyamigo man kwagh u hôngorough man ihyev la, vea saa nongo, kape TER A kaa la.

Yeremia 6:20

Ka sha ci u nyi i shi i vem a kwaghhumandoon hen Sheba, man kalamu u human doon ken tar u icaa? Iniav yenev mbi nanden ka kwagh u rumun ga, man iniav yenev mbi sôngon kpaa doom ga.

Levitiku 2:2

nana̱ va a mi hen upristi, ônov mba Aron; pristi a̱ ongo mwem ma kengese kua mkurem mara, ikevwe poo, shi a̱ kura libano u human doon u a lu sha mi la cii, a̱ nande sha usu, i̱ lu nagh ku umbur; ka nagh ku usugh ku human doon ku nan TER.

Hagai 2:14

Nahan Hagai gema kaa er: Kape ior mban ve lu je ne, man kape ikurior ne i lu sha ishigh Yagh ne, kape TER A kaa ne; man kape hanma tom u aveegh ve kpaa u lu ne, kua kwagh u ve ne nagh a min la kpaa; ka u wang ga.

Duteronomi 14:8

igo kpaa, gadia i pav apande kpa i kengese kwaghyan ga, nahan i kpaa i̱ lu ne kwagh u a lu wang ga yô, de ye nen inyam i i ga, gundu u i tsô kpaa, de benden nen a min ga.

Duteronomi 23:18

De ve a injar i idyakwase, shin injar i iwa, hen ya u TER, Aôndo wou, sha ci u hanma iceghzwa ga, gadia ve uhar cii ka TER, Aôndo wou, kwagh u ihôngorough je.

Mbaajiriv 10:14

Yô, yem za vaa nen a mbaaôndo mba ne tsough yô, ve̱ yima ne hen shighe u ican i tser ne ne.

Mbaajiriv 21:25

Sha ayange la tor lu ken Iserael ga; nahan hanma or gbaa eren kwagh sha ishima i nan tsô.

Mbaajiriv 5:8

Ve tsuwa mbaaôndo mba hev, sha shighe la ityav lu ken ihinda. Perutya shin iwange, i nenge a mi, ken udubu akunduahar ken Iserael je kpa?