Yesaia 66:2 - ICIGHAN BIBILO

² Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Yesaia 66:2 Iomraidhean Croise

1 Utor 21:29

U nenge er Ahaba a hide a iyol na ijime sha ishigh Yagh kpa? Yô, er a hide a iyol na ijime sha ishigh Yagh nahan, nahan yô, Me kera va a ican la sha ayange na ga; saa sha ayange a wan na man Me va a ican la hen ya na ye.

2 Utor 22:10

Shi Shafan ôr tor ruamabera la.

2 Utor 22:11

Er tor ungwa akaaôron a ken ruamabera u atindigh la yô, a ande akondo a na.

Esera 10:3

Yô, sé ya ikur a Aôndo wase, sé pav nen a kasev kua ônov mba i mar a ve cii, sha mhen u terem man u mba ve gbidi akarkase iyol sha tindi u Aôndo wase yô; kpa i̱ er kwagh ne sha tindi.

Esera 9:4

Tsô mbacian akaaôron a Aôndo u Iserael cii, ve va kohol her a mo sha ci u kwaghbo u mbakwarev la; kpa m tema her kông, zan zan nagh ku aikighe kuma.

Upasalmi 119:120

Ikarikase gbidyem iyol sha mciem ma m cie U la, m ngu cian ajiraôron a Ou kpaa.

Upasalmi 119:161

Mbatarev gba tôvon mo a ican tsô, ityôikaa lu ga, kpa m cie kwaghôron Wou ken ishima.

Upasalmi 138:6

Gadia er TER A lu Sha, nahan kpaa, we mbahiden ayol ijime iko, kpa mbagengeseyol yô, fe ve ken ica je.

Upasalmi 34:18

TER ngu ikua a mba asema a vihin ve la, yem mba ve lu a ishima i zamber yô.

Upasalmi 51:17

Nagh ku Aôndo A rumun yô, ka jijingi u zamber; ishima i zamber, i uren tsung yô, Ú laha ga, Aôndo.

Upasalmi 51:19

Tsô á saan We ken ishima a nagh ku nan ku perapera, a nagh ku nanden man nagh ku nanden jimin la; tsô á na nagh ku anomabua sha atse a Ou a nanden nagh sha mi la. Ngun ka sha ci u orhemen u mbawanatsam. Ka ityesen i Davidi zum u Doegi, Oredom, va, va kaa a Saulu er: Davidi va hen ya u Ahimeleki, la

Anzaakaa 28:14

Á saan or u nan cie TER gbem la iyol, kpa u nan cighir ishima i nan yô, nan gba ken kwaghbo.

Anzaakaa 29:23

Mgengeseyol u or una hile a nan ijime, kpa u nan hidi a iyol i nan ijime yô, nana zua a icivir.

Yesaia 40:26

Kende nen ashe a en sha, nenge nen: ka an nan gbe akaa ne, nan dugh a akum a ve sha iyenge ve, nan yer a cii sha ati ati? Sha mvese u agee a Na man sha ci u mtaver u tahav Nav, mô môm u lun ga ngu ga.

Yesaia 41:20

sha u ve̱ nenge, ve̱ fa, ve̱ hen sha mi, ve̱ kar imôngo cii er i lu uwegh ku TER ku er nahan yô, ka Icighan u Iserael A gbe akaa ne ye.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yesaia 66:5

Ungwa nen kwaghôron u TER, ne mba ne gbidi ikarikase iyol sha kwaghôron Na la! Anmgbianev enev, mba ve ker ne ihom, mba ve te ne kera sha ci u iti Yam yô, mba kaan er: TER A̱ tese ase icivir Na, se̱ nenge a iember yen! Kpa ka ve, vea va ahenge ye!

Hosea 11:10

Vea zende a TER ityô; Una ta kume er begha nahan; gadia Una ta kume, tsô ônov mba nomso vea mough shin ityôtar vea va her a Na a akarkase iyol.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

Mateu 12:6

Kpa M ngu kaan ne, u A hembe tempel icivir ngu heen.

Aerenakaa A Mbaapostoli 7:50

Shin kera ka uwegh Agh man ku er akaa ne cii gaa?

Aerenakaa A Mbaapostoli 9:6

Kpa mough sha, za nyôr ken gar, tsô á ôr u kwagh u a doo u ú er yô.

Mbafilipi 2:12

Nahan yô, ne mbadoon mo ishima, er ne vande lun a iko i wan gbem nahan, i̱ de lu sha shighe u mo m lu a ven la tseegh ga kpa i̱ hemba a hemba hegen er m lu a ven ga ne; eren nen tom sha myom wen a mciem man ikarikase iyol

Mbakolose 1:17

Un vande a akaa cii man ka ken Na a lu zan hemen her ye.