Yesaia 64:4 - ICIGHAN BIBILO

⁴ Gadia hii ngise je ior ungwa ga, shi ve kav ken ato a ve ga, ma ishe kpaa nenge a Aôndo ugen ga, saa We, u U eren tom sha ci u or u nan veren ashe sha a We yô.

Yesaia 64:4 Iomraidhean Croise

Genese 49:18

Ka myom Wou m veren ashe na ye, TERE.

Esera 9:7

Hii sha ayange a uter asev je, se lu ken zegeibo zan zan nyian; ka sha ci u afer a ase kpaa, i tôô se a utor asev man upristi asev, i na se sha ikev i utor mba ityar igen, man shi i na se sha sanker, man ken uikangen, man ishar i yan, man kunya u sha ishi, er i lu nyian nahan.

Upasalmi 103:18

sha mba ve kor ikuryan Na, man mba ve umbur atindi Na, ve eren sha mi kpaa yô.

Upasalmi 130:5

M ngu veren ashe keghen TER, uma wam ngu keghen, ka sha mkaanem Nam m veren ishima m keghen ye.

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Upasalmi 62:1

Ka her Aôndo tseegh uma wam a veren ashe ving ye; ka hen a Na myem wam a dugh ye.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Yesaia 59:12

Gadia atindi a ase a peren ngee sha ishigh You, asorabo ase kpaa nga nan se ibo; gadia atindi a ase a peren nga a vese ityô, man aferakaa ase kpaa, se fa a,

Yesaia 66:8

Ka an nan vande ungwan imbakwagh nee? Ka an nan vande nengen ambaakaa shono? Á mar tar sha iyange i mômôô? Á mar ikurior icin i mômôô? Gadia er Shion hii er una toghor mar yô, a mar mbayev nav kera kpaa.

Daniel 9:15

Hegen yô, Tere, Aôndo wase, u U dugh a ior Ou ken tar u Igipiti sha uwegh ku ageegh, U na iti You i za gwa er i lu nyian nahan, se er isholibo, se er kwagh u ifer.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Daniel 9:8

Ka hen vese, TERE, ahenge a van a lu ye, hen utor asev man hen atiator a ase man hen uter asev, sha ci u se er U isholibo yô.

Hosea 7:7

Ve cii, ve tsee er atse nahan, mba hian mbaajiriv vev kera, utor vev cii gba; mô ve môm ngu yilan Mo ga.

Sekaria 10:9

Shin er M tsenda ve ken akuraior nahan kpaa, vea umbur Mo ken ityar i caa; vea lu uma her a ônov vev, man vea hide kpaa.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Luka 2:25

Orgen lu ken Yerusalem, iti na er Shimeon; or la lu or u perapera man u cian Aôndo a ishima i môm, lu keghen msurshima u Iserael; Icighan Jijingi kpaa lu sha a na.

YOHANE 14:3

Me yem Me za sôr ne ijiir yô, Me shi Me hide, Me va kua a ven sha er ne kpaa né lu hen ape M lu yô.

Mbaromanu 8:19

Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

1 Mbakorinte 1:7

nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la,

1 Mbatesalonika 1:10

man né keghen mhir u Wan Na Sha, u A nder Un shin mbakpenev, ka Yesu u A yem se sha iyugh i i lu van la.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 11:16

Kpa hegen yô, ka u u hembe doon la u sar ve ye, inja na yô, ka u Sha je la. Ka nahan man Aôndo kpaa kunya u ker Un u i̱ yila Un er Aôndo ve ga ye, gadia A sôr ve gar.

Yakobu 5:7

Nahan anmgbianev, wa nen ishima zan zan m-ande u Ter. Nenge orsule ka nan kegh iyiagh ki taregh ki injaagh, nan wa ishima a mi zan zan ura u he man shi u masetyô u nôô sha mi.

1 Yohane 4:10

Ka hen ape dooshima a lu ne: ka Aôndo man A doo se ishima ga, kpa ka se, se doo Aôndo ishima ye, man A tindi Wan Na hingir iwom sha asorabo ase.