Yesaia 64:10 - ICIGHAN BIBILO

¹⁰ Uicighanmbaagarev Ou hingir desereti, Shion kpaa hingir desereti, Yerusalem hingir toho.

Yesaia 64:10 Iomraidhean Croise

2 Utor 25:9

A va nande iyou i TER man iyou i tor kua ayou a ken Yerusalem; hanma iyou i vesen a nande i sha usu.

1 Kroniku 23:5

ior dubu unyiin lu mbakuranihinda; ior dubu unyiin yô, lu mba wuese TER sha ityogholov mbi m er, mer, i̱ wa atsam i̱ wuese a mi.

Yesaia 1:7

Tar wen hingir toho; agar a en, i nande a sha usu; ishule yen kpaa, ior mba tar ugen mba yan i sha ishigh yenegh je; i hingir toho, bee er ior mba tar ugen ve vihi u kera cii nahan.

Yesaia 48:2

Gadia mba yer ayol a ve er, ior i icighangar, ve suur sha Aôndo u Iserael, TER u akum a Sha, ka iti Na je la.

Yesaia 52:1

Nder, nder, we Shion, wa agee a ou iyol, haa akondo a ou a dedoo, we Yerusalem, icighangar; gadia ken hemen yô, oripusu man orhôngorough vea kera nyôr ken a we ga.

Yesaia 6:11

Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;

Yesaia 63:18

Ka ayange kpuaa tsô, uicighanmbaiorov Ou ve lu a mi ye; mbaihomov asev shoghol angahar sha icighanjiir Wou.

Yeremia 52:13

a nande iyou i TER, man iyou i tor man ayou a ken Yerusalem cii, hanma iyou i vesen, a nande i sha usu.

Ukwelegh 1:10

Orhendan naregh uwegh nagh sha akaa a na a dedoo cii; gadia a nenge er atôatyev nyôr ken ichighanjiir na la, u U yange wer, a̱ de nyer ken mkohol Wou ga yô.

Ukwelegh 1:7

Sha ayange a atsan a na man ijende na i wue wue la Yerusalem umbur akaa a na a dedoo a a lu a mi sha ayange a tsuaa la; zum u ior nav gba sha ikev i orhendan, man ma or u wasen un lu ga la, mbaahendanev kenger un, ve nahan un tar sha mkur na u vihin la.

Ukwelegh 5:18

sha ci u uwo u Shion, u u hingir ice yô, ugbaseela mba zenden sha mi.

Daniel 12:7

Tsô m ungwa or u haan ikondo i pupuu i kôngor u a lu sha sha mngerem ma ifim la, zum u a kende uwegh nagh ku yanegh man uwegh nagh ku imesegh sha yô, a bum Un u A lu uma gbem la, er: á lu shighe man ashighe man veghershighe; zum u vea vihi agee a icighanikurior kera ci ca yô, akaa ne cii aa kure sha min.

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.

Hagai 2:3

Ka an nan shi ken a ven u yan nan nenge iyou nen ken icivir i i laa? Man hegen yô, ne nenge a i, ngi nana? Kera ngi ken ashe a en er ka gbilinkwagh gaa?

Luka 21:21

Hen zum la mba ve lu ken Yudia, ve̱ yevese ve̱ yem sha iwo; mba ve lu ken atô u gar yô, ve̱ due ken won; man mba ve lu ken akôngo a gar la kpaa ve̱ de kera nyer kimi ga;

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.