Yesaia 61:3 - ICIGHAN BIBILO

³ Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Yesaia 61:3 Iomraidhean Croise

Eseter 8:15

Tsô Mordekai due sha ishigh ki tor a akondo a tor iyol, a kwel man a pupuu, man zegedyer u zenaria, man riga u sha ikondo i mou u pupuu man u vel vel man u nyian dindee; tsô gar u Shushan gba genger imo, ember.

Eseter 9:22

er ka ayange a Mbayuda zua a mmem sha mbaihomov vev la, man uwer u i gema ishimavihin ve, hingir iember la, man ijungwen hingir iyange i msaanyol; sha er ve̱ gema a, a̱ hingir ayange a iniongo kua a iember, man a tindin iwua hen ayol a ve, kua hen mbaatsanev kpaa.

Upasalmi 104:15

man zar u wain sha u nan or msaanyol, man mkurem sha u engem or ishigh, man ruam sha u taver or ishima yô.

Upasalmi 149:4

Gadia doo TER a ior Nav, Una wuha mbaasemaleghlegh iyol sha myom.

Upasalmi 23:5

U verem kwaghyan sha ishigh ki mbaihomov av; U shighem mkurem sha ityo, iyongo yam iv je, ngi haan.

Upasalmi 30:11

U gemam mzungu wam hingir mo ahan; U saghem ajav, U gema u zerem iember

Upasalmi 30:12

sha er icivir yam, ia wa icam ia wuese We, ia huan ga yô. TERE, Aôndo wam, me wuese We gbem. Ka sha ci u orhemen u mbawanatsam. Ka Pasalmi u Davidi

Upasalmi 45:7

perapera doo U ishima, kpa iferkwagh yô, vihi U ishima, ka nahan man Aôndo, Aôndo Wou, A shigh U mkurem ma iember hemba mba kwav Wou ye.

Orpasenkwagh 9:8

Akondo a ou a̱ kungun gbem, mkurem kpaa ma̱ de banen we sha ityou ga.

Yesaia 12:1

Sha iyange la ú kaa wer: Me wuese We, TERE, gadia shin er U yugh a mo, nahan kpaa iyugh You kar kera, man U ngu surun mo ishima.

Yesaia 26:2

Bugh nen ihinda, ikurior i perapera i lun a jighjigh, i̱ nyôr.

Yesaia 44:23

Ember nen, ne Usha, gadia ka TER A er nahan ye; er nen ikenge, ne ajiir a zan a shin tar; ger nen atsam a wan, ne iwo, man we ikô, a hanma kon u kimi cii, gadia TER paa Yakob, Una pase icivir Na ken Iserael.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Yesaia 52:1

Nder, nder, we Shion, wa agee a ou iyol, haa akondo a ou a dedoo, we Yerusalem, icighangar; gadia ken hemen yô, oripusu man orhôngorough vea kera nyôr ken a we ga.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yeremia 31:13

Hen shighe la iniunkwase ia ember ia vinen amar, kua ikaior man mbatamen imôngo kpaa; gadia Me gema ijungwen ve ia hingir iember, Me sur ve ishima man Me na vea ember er ishimavihin ve i bee yô.

Esekiel 34:29

Me na iyiav mbia doo ve je, mbia za gwa, ijen ia kera tim ve ken tar ve kera ga, man vea kera ya kunya hen akuraior kpaa ga.

Esekiel 47:7

Tsô, m hidi yô, nenge, ikon lu hen kpeifi kpishi, ken kpe ne man ken ungula kpaa.

Sekaria 3:5

Nahan m kaa mer, ve̱ kange un atsar a wang sha ityou. Tsô ve kange un atsar a wang sha ityou, man ve haa un akondo kpaa; Ortyom u TER tile lu her.

Mateu 15:13

Kpa A gema A kaa er: Hanma kwagh u i lu Terem u Sha a môôr ga yô, á wuhe un kera.

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Luka 15:22

Kpa ter la kaa a mbashiren un tom mbala er: Dugh nen ihembanriga la fefa je, va haa nen un, wa nen un kunya ken uwe, man akôv shin angahar kpaa;

YOHANE 15:8

Ka kwagh ne a ne Terem icivir ye, ka u ne ume atam kpishi la, man ne hingir mbahenen Av ye.

YOHANE 16:20

Mimi mimi je, M kaan ne ne, né va vaa, né zungwe kpaa tar yô, ua ember; asema aa vihi ne kpishi, kpa asema a vihin a en la aa gema á hingir ne iember.

1 Mbakorinte 3:9

Gadia se mba mbashirentom a Aôndo imôngo je, ne mba sule u Aôndo je, man shi mmaa u Aôndo jim kpaa.

1 Mbakorinte 6:20

Gadia i yam ne a yam sha ishe je. Civir nen Aôndo ken iyol yen.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

2 Timoteu 1:10

zum u Una va sha iyange la sha u á civir Un ken uicighan Nav man á kpiligh ior iyol a Na ken mba ve ne jighjigh la cii; gadia ne na mpase wase la jighjigh.

Mbaheberu 1:9

Perapera doo U ishima, U gema U nyagh mvende u vendan atindi la. We Aôndo, ka nahan man Aôndo Wou haa U mkurem ma iemberegh hemba mbakwav Wou ye.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Peteru 4:14

Aluer a hee ne sha ci u iti i Kristu yô, á kpe ne iyol je sha ci u Jijingi u iengem man u Aôndo A tem sha a ven yô.