Yesaia 6:9 - ICIGHAN BIBILO

⁹ Nahan A kaa er: Za, za kaa ior mban wer: M-ongo yô, ungwan nen, kpa de kaven nen ga; mnenge kpaa, nengen nen, kpa de kaven nen ga.

Yesaia 6:9 Iomraidhean Croise

Anzaakaa 28:5

Aferaior nga kaven ijir i mimi ga, kpa mba ve keren TER yô, mba kaven akaa cii.

Yesaia 28:13

Ka nahan man kwaghôron u TER una hingir ve tindi sha tindi, tindi sha tindi, icin i tan sha icin i tan, icin i tan sha icin i tan, heen kpeghee, keela kpaa kpeghee; sha u ve̱ za, ve̱ gba ajimejime, ve̱ sombo, ve̱ gba ken kwaghhônon, i̱ kôr ve.

Yesaia 29:10

Gadia TER haa ne jijingi u mnyam ma mem mem, A pir ne ashe, ka uprofeti je la, man A cir ne ityouv, ka mbanengenakaa je la.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Yesaia 29:14

nahan yô, nenge, shi Me er tom u kpilighyol hen ior mban, ka tom u kpilighyol man u cieryol, kwaghfan u mbafankwagh vev una saa ishe, man mkav u mbakavenkwagh vev kpaa una yer kera.

Yesaia 42:20

U nenge a akaa kpishi, kpa u ver ishima ga, ato ou lu ivegher je, kpa u ungwa ga.

Yesaia 43:8

Due a ior mba ve pir ashe, shin ve lu a ashe nahan kpaa, man mba ve kondo ato, shin er ve lu a ato nahan kpaa.

Yeremia 5:21

Shi ungwa nen kwagh ne, ne ior mba lanen kwagh man mbakavenkwagh kpaa ga; ne mba ne lu a ashe, kpa ne mba nengen ga; ne mba ne lu a ato, kpa ne ongo ga ne.

Esekiel 12:2

Wan u or, u ngu teman ken atô u ior mba hendan kwagh, mba ve lu a ashe a nengen, kpa ve nengen ga yô, man ve lu a ato a ungwan, kpa ve ongo ga yô; gadia ka ior mba hendan kwagh je.

Hosea 1:9

Nahan TER kaa er: Ii un iti wer Lo-ami (Ioravga); gadia ne mba ior Av ga, Mo kpaa Me lu Aôndo wen ga.

Marku 4:12

sha er: Mnenge yô, ve̱ nenge, kpa ve̱ de kaven ga; sha u ve̱ de gem asema man á de ve asorabo a ve ga yô.

Luka 8:10

Tsô A kaa er: Ne yô, i na ne sha u né fa akaa a myer a tartor u Aôndo; kpa mbagenev yô, saa sha anzaakaa, sha ci u mnenge kpaa ve̱ de nengen ga, man m-ongo kpaa, ve̱ ungwa kpa ve̱ de kaven ga.

YOHANE 12:40

A pir ve ashe, shi A cighir ve asema kpaa, sha u ve̱ de nengen sha ashe ve ga yô, shi ve̱ de kaven ken ishima man ve̱ gema ishima, M̱ war ve ga.

Mbaromanu 11:8

Kape i nger kpaa la er: Aôndo na ve jijingi u yaven mem mem man shi ashe a vea nenge kwagh a mi ga man shi ato a vea ungwa kwagh a mi kpaa ga yô, zan zan nyian je.

Duteronomi 29:4

kpa zan zan hegen TER ngu a na ne ishima i kaven man ashe a nengen man ato a ungwan ga.