Yesaia 6:5 - ICIGHAN BIBILO

⁵ Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yesaia 6:5 Iomraidhean Croise

Genese 32:31

Iyange due un shighe u a va kar hen Peniel, a lu keer ikooso la.

Upasalmi 24:10

Ka an nan lu Tor u iengem nee? ka TER u akum a Sha, ka Un A lu Tor u iengem ye. Ka Pasalmi u Davidi

Ekesodu 24:10

ve nenge a Aôndo u Iserael; ape angahar a Na a lu, vegher u shin, lu er tembe u i kôngor u sha iwen i safir yô, wanger wang je, er kwavaôndo nahan.

Ekesodu 3:6

Shi A kaa er: Ka Mo, Aôndo u teru, Aôndo u Aberaham man Aôndo u Isaka man Aôndo u Yakob. Tsô Mose yer ishigh nagh kera; gadia lu cier un iyol u nengen a Aôndo.

Ekesodu 33:20

Shi A kaa er: Ú fatyô u nengen a ishigh Yagh ga; gadia or á fatyô u nengen a Mo, shi lun uma ga.

Ekesodu 4:10

Tsô Mose kaa a TER er: Tere, mo m ngu or u fan kwaghôron ga, ngise kpaa ga, shin hegen er U er kwagh a wanakiriki Wou ne kpaa ze; gadia kwaghôron eren mo ican, nombor kpa yuhwam.

Ekesodu 6:12

Kpa Mose ôr kwagh sha ishigh ki TER, a kaa er: Nenge, Mbaiserael je kpaa, mba ongo imo yam ga, man á er nan ve Farao una ungwam, mo u m lu orfan kwaghôron ga nee?

Ekesodu 6:30

Mose gema kaa sha ishigh ki Aôndo er: Mo, m ngu orfan kwaghôron ga, á er nan man Farao una ungwama?

Yesaia 24:16

Hii shin ikighir i tar je, se ungwa atsam er: I̱ wuese orperapera. Kpa mo m kaa mer: M ngu saan, kwagh tserem ve! Mbaatsereghev mba eren kwagh sha atseregh, een ka sha atseregh mbaatsereghev ve eren kwagh ye.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Yesaia 33:17

Ashe a ou aa nenge a Tor ken iengem Na, aa nenge tar u gbangese zan zan ca ca.

Yesaia 59:3

Gadia ave a en hôngor sha awambe, man ahôaveegh a en kpaa sha iferkwagh; ityumbuzwaagh yen kpaa er aie, nombor wen kpaa ngu er kwagh sha icugh.

Yesaia 64:6

Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.

Yeremia 1:6

Tsô, m kaa mer: Uwu! Tere, AÔNDO! M fa u ôron kwagh dedoo ga, gadia mo m ngu wanye je.

Yeremia 51:57

Me na atiator a na á hunde kua mbafankwagh nav, man ugomna nav, man mbahemenev nav, man mbautyav nav kpaa; vea gba mnyam vea saa yaven gbem sha won, vea nder ga, kape Tor A kaa ne, TER u akum a Sha ka iti Na je la.

Esekiel 12:2

Wan u or, u ngu teman ken atô u ior mba hendan kwagh, mba ve lu a ashe a nengen, kpa ve nengen ga yô, man ve lu a ato a ungwan, kpa ve ongo ga yô; gadia ka ior mba hendan kwagh je.

Esekiel 33:31

Mba van her a we er ior ve ve nahan, ve tema sha ishigh you er ka ior Av nahan, ve ungwa akaaôron a ou, kpa mba eren sha a ga; gadia mba tesen dooshima ve sha zwa kpishi, kpa ishima ve yô, ngi sha mtsera ve.

Daniel 9:20

Er m lu ôron kwagh ave, eren msen man pasen isholibo yam man isholibo i ior av Iserael, man m lu van a zamber wam sha ishigh ki TER, Aôndo wam, sha ci u icighanwo u Aôndo wam;

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

Numeri 17:12

Tsô Mbaiserael ôr kwagh a Mose kaa er: Nenge, se mba kpen, se mba timin, se cii se mba timin.

Mbaajiriv 13:22

Tsô Manoa kaa a kwase na er: Sé kpe kpee, gadia se nenge a Aôndo.

Mbaajiriv 6:22

Nahan Gidion kav er A lu Ortyom u TER yô; Gidion kaa er: M saa ve Tere, AÔNDO! gadia m nenge a Ortyom u TER ishigh a ishigh.