Yesaia 6:2 - ICIGHAN BIBILO

² Userafim tile a Na vegher u sha, hanmô ve lu a akper ataratar: a ahar a yisa ishigh nagh a mi; ahar, a yisa angahar a mi; a ahar di yô, a purugh a mi.

Yesaia 6:2 Iomraidhean Croise

Genese 17:3

Tsô Aberam gure wa ityough inya, Aôndo gema ôr kwagh a na kaa er:

1 Utor 19:13

Er Eliya ungwa nahan yô, a yisa ishigh nagh sha ikondo, a due a za tile hen zwa u bar. Yô, nenge, imo va her a na, kaa er: Ka nyi u eren heene, Eliya?

1 Utor 22:19

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

1 Utor 6:24

Kpelegh ku cerubi kun lu aseva ataan, shi kpelegh ku cerubi kugenegh kpaa lu aseva ataan; hii hen ikighir i kpelegh môm zan zan za ar hen ikighir i kpelegh kugenegh lu aseva pue.

1 Utor 6:27

A ver ucerubi ken atô u kpar u kimi; akper a ucerubi naregh, kpelegh ku u môm bende sha kpekpe ngun, kpelegh ku ugen la kpaa bende di sha kpekpe ugen; akper a ve zua ayol a a her atô u iyou.

1 Utor 8:7

Gadia ucerubi naregh akper a ve sha ijiir i areki la, ucerubi cir areki kua igbough nav.

Nehemia 9:6

We U ngu TER, We tseegh; We U er Sha man shi Sha u a lu sha la a ikum ve cii, tar kua akaa a a lu shin u kpaa man uzegembamngerev man akaa a a lu shimi cii, U koson a cii; ikum i Sha kpaa ngi civir We.

Yobu 1:6

Nahan iyange igen ônov mba Aôndo va, va tile sha ishigh ki TER, Satan di kpaa va a ve imôngo.

Yobu 15:15

Nenge, A kera suur sha uicighanmbaiorov la ga; een, Usha kpaa kera mba wang sha ishigh Nagh ga;

Yobu 4:18

Nenge, A suur sha mbatomov Nav ga; mbatyomov Nav mba Shaav kpaa ka A zua ve a kwagh u kpeegh;

Upasalmi 103:20

Wuese nen TER, ne mbatyomov Nav, ne mbaageev, mba ne eren sha imo Na, er ne we imo i kwaghôron Na iko yô.

Upasalmi 104:4

A gema ahumbe a hingir mbatyomov Nav, man iniomborusu hingir mbatomov Nav.

Upasalmi 18:10

A unde sha cerubi, A purugh, A purugh fefa sha akper a ahumbe.

Upasalmi 89:7

Ka Aôndo u i cie Un kpishi ken mkohol u uicighanmbaiorov, A cier iyol hen mba ve kase Un cii.

Ekesodu 25:20

Ucerubi mbala ve̱ naregh akper a ve, ve̱ cir ijiir i nan iwom her la sha akper a ve, ve̱ zua ishigh ayol a ve; ishiv mbi ucerubi mbi kenger ijiir i nan iwom her la.

Ekesodu 3:6

Shi A kaa er: Ka Mo, Aôndo u teru, Aôndo u Aberaham man Aôndo u Isaka man Aôndo u Yakob. Tsô Mose yer ishigh nagh kera; gadia lu cier un iyol u nengen a Aôndo.

Ekesodu 37:9

Ucerubi mbala naregh akper a ve sha, cir ijiir i nan iwom her la sha akper a ve, man ve zua ishiv ayol a ve; ishiv mbi ucerubi mbila kenger ijiir i nan iwom her la.

Yesaia 6:6

Tsô ugen ken userafim la purugh va her a mo, kôr ikausu i enger sha uwe, a dugh i ken atse a nan nagh sha mi la, sha gbegba;

Esekiel 1:11

A samber akper a a sha; hanmô lu a akper ahar a a za zua sha a agen la, man ahar di gema cir a ayol.

Esekiel 1:24

Zum u a lu yemen yô, m ungwa iov i akper a a er ka ihuran i mngerem ma vesen nahan, er ka imo i Uhembanagee, ka ihuran i ayôôso er ka iov i ikumutya nahan; zum u a tilen yô, a shir akper a a.

Esekiel 1:4

Tsô m kenger yô, nenge, ahumbe a uragh lu duen shin imbusutarimese lu van, ibeenegh ki vesen a usu u haan vir vir gbem, man iengem kase ki tser; ker atô, ka ker atô u usu la, lu er iyôgh ki engem nahan.

Esekiel 1:6

Hanmô ve lu a ishiv inyiin, man hanmô ve kpaa lu a akper anyiin.

Esekiel 1:9

akper a a zua ayol a a; zum u a yemen yô, a kahan ga; hanmô ve yemen ken hemen jighilii.

Esekiel 10:16

Zum u ucerubi vea yemen yô, akaver di kpaa a yemen a ve imôngo ken ambusu; man zum u ucerubi vea kenden akper a ve sha, sha u moughon shin tar yô, akaver di kpaa a kera gema sha ambusu a ve kera ga.

Esekiel 10:21

Hanmô ve lu a ishiv inyiin man hanmô kpaa lu a akper anyiin; kwagh u lun er ave a or nahan gema lu ken akper a ve.

Daniel 7:10

Ifi u usu due gba kuwan sha ishigh nagh; ior udubu dubu lu eren Un tom, man dubu pue kwa dubu pue tile sha ishigh Nagh; i tema ijirôron man i bugh uruamabera.

Daniel 9:21

er m lu ôron kwagh ken msen ave la je, Gaberiel, or u m vande nengen a na ken mpase hiihii la, purugh fefa va her a mo sha shighe u nagh ku nan ku aikighe nahan.

Sekaria 3:4

A gema A kaa a mba ve tile sha ishigh Nagh la, er: Er nen un akondo a iligh la kera. A kaa a na er: Nenge, M kar a ifer you hen a we kera, Me haa u akondo a icivirigh.

Luka 1:10

Ikpelaior i nongo la cii lu eren msen ken won sha shighe u nanden nagh ku human doon la.

Mbaheberu 1:7

Sha kwagh u mbatyomov mba Shaav yô, A kaa er: Un u A gema mbatyomov Nav mba Shaav ve hingir ahumbe, man shi mba ve eren Un tom kpaa ve hingir iniomborusu.

Mpase U Yohane 14:6

M shi m nenge ortyom u Sha ugen lu purugh sha kwavaôndo lu a Icôronloho u Dedoo u yôôn hen mba ve tem shin tar cii, hen hanma ikurior man hanma nongo man hanma zwa man hanma nongoior.

Mpase U Yohane 4:8

Akaauma a anyiin la cii hanmô ve lu a akper ataratar, ve cir ashe iyol kpulughuu ken won man kimi kpaa. Tugh man tetan cii ve memen ga, ve kaan er: Icighan, Icighan, Icighan, Ter Aôndo Uhembanagee, u ngise lu shi A lu hegen shi A lu van kpaa la.

Mpase U Yohane 7:11

Mbatyomov mba Shaav cii tile kase ikônough ki torough man shi mbatamen man akaauma a anyiin la kpaa, ve gba inya ve cir ishiv inya sha ishigh ki ikônough ki torough kila ve civir Aôndo,

Mpase U Yohane 8:13

Tsô m nenge, m ungwa gafa lu purugh sha kwavaôndo je, lu kaan sha zegeimo er: Kwagh á tser, kwagh á tser, kwagh á tser mba ve tem shin tar cii sha ci u mtenge u ikor i i shi her i mbatyomov mba Shaav mba utar mba ve sôôn u tôngon la.