Yesaia 6:1 - ICIGHAN BIBILO

¹ Sha inyom i tor Ushia kpe la, m nenge Ter, tema sha ikônough ki torough ki taven ki lun sha geng, akur a akondo a Na samber ken tempel cii.

Yesaia 6:1 Iomraidhean Croise

1 Utor 22:19

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

2 Utor 15:7

Tsô Asaria yav a uter nav imôngo, i ii un a uter nav imôngo ken gar u Davidi; wan na Yotam gema tema tor sha ityough nagh.

2 Kroniku 18:18

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

Yobu 42:5

Lu m ungwa agwa Wou sha m-ongo u ken ato; kpa hegen yô, ashe am nenge a We.

Upasalmi 108:5

Kende a iyol You sha je, kar Usha cii, Aôndo; iengem You kpaa i̱ kende i sha sha tar cii.

Upasalmi 113:5

Ka an nan lu er TER, Aôndo wase, u A tem Sha,

Upasalmi 46:10

De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

Ekesodu 24:9

Nahan Mose vea Aron man Nadabi man Abihu man mbatamen mba Iserael akunduatargber mbala ve unde,

Yesaia 1:1

Mpase u Yesaia wan u Amoshi, u a nenge sha kwagh u Yuda kua Yerusalem, sha ayange a Ushia man Yotam man Ahashi kua Hisekia, utor mba Mbayuda.

Yesaia 12:4

Sha iyange la kpaa nea kaa ner: Wuese nen TER, yila nen sha iti Na, pase nen ityom Na hen ior, ter nen Un er i kende a iti Na sha yô.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 66:1

TER ngu kaan nahan er: Sha ka ikônough Yagh ki torough je, man tar ka ijiir Yam i pendan angahar sha mi; ka nyi iyou je nea maama? Man ka nyi ijiir je ia lum ijiir i memen heree?

Esekiel 1:1

Tsô sha inyom i sha ikundugber, uwer u sha unyiin, ayange a u ataan la, er m lu ken mbakwarev hen kpeifi u Cebar yô, i bugh Sha man m nenge mbampase mba Aôndo.

Esekiel 10:1

Tsô m kenger, man nenge, sha kwavaôndo u lu sha ityough ki ucerubi la, kwagh lu ve vegher u sha er ka iwen i safir nahan, mwe na lu er ka ikônough ki torough nahan.

Esekiel 10:4

Tsô iengem i TER mough sha cerubi kera, kar yem hen kpandehunda u iyou; nahan iyou la iv a ibeenegh, man tembe kpaa iv a iengem i icivir i TER.

Daniel 10:17

Gadia á hii nan man wanakiriki u terem ne una ôr kwagh a we terem? Gadia, mo yô, ma agee kera nga ken a mo ga, iôôn kpaa kera shi ken a mo ga.

Daniel 7:9

Er m lu kenger her yô, i ver mkônom ma torom; or u tsan sha won kar za tema, akondo a na kungu er senou nahan, man ice i sha ityough nagh kpaa lu er mou u wang nahan; ikônough Nagh ki torough ki teman sha mi lu inyomborusu akaver a na lu usu u yeghen.

Numeri 12:8

M er kwagh a na sha zwa wanger wanger je, ka lun kwaghôron u cimin ga, nengen mlu u TER er A lu yô; man ka nyi ne cie u ôron kwaghvihin sha wanakiriki Wam, Mose ga?

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 12:41

Akaa ne Yesaia ôr sha ci u a nenge icivir Na shi a ôr kwagh Na kpaa yô.

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

Mpase U Yohane 15:8

Tsô tempel iv a mnyim ma iengem i Aôndo man shi mnyim ma agee a Na kpaa, ma or môm kera fatyô u tilen ken tempel ga, saa atsan a ataankarahar a mbatyomov mba utaankaruhar mbala aa bee kera ve.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.

Mpase U Yohane 4:10

mbatamen mba ikundu kar unyiin la ve gba inya sha ishigh ki Un u A tem sha ikônough ki torough la ve civir Un u A lu uma gbem sha won la. Ve haa atsar a ve sha ishigh ki Un u A tem sha ikônough ki torough la ve kaa er:

Mpase U Yohane 4:2

Fese nahan m lu ken Jijingi, man nenge, i ver ikônough ki torough Sha man i tema sha ikônough ki torough kila.

Mpase U Yohane 4:3

Un u A tema sha mi la, mluashe Na lu er iwen i yasepi man i sardiu nahan, ikume i sha aôndo kase ikônough ki torough kila wa atô, mluashe u i lu er emeraldi nahan.

Mpase U Yohane 4:9

Man hanma shighe u akaauma la a na iengem man icivir man iwuese hen Un u A tem sha ikônough ki torough A lu uma gbem sha won la yô,

Mpase U Yohane 5:1

Man ken uwegh ku yanegh ku Un u A tem sha ikônough ki torough la m nenge a ihurenruamabera, i nger un kimi kua ken ijime kpaa i cir un i var un akav ataankarahar.

Mpase U Yohane 5:7

A va A va ngohol ruamabera la ken uwegh ku yanegh ku Un u A tem sha ikônough ki torough la.

Mpase U Yohane 6:16

Ve kaa a iwo man a awen er, gba kighir nen se, yisa nen se sha ishigh ki Un u A tem sha ikônough ki torough la man shi sha iyugh i Waniyôngo kpaa,