Yesaia 59:8 - ICIGHAN BIBILO

⁸ Gbenda u bem ve fa u ga; kwagh u vough ngu sha ihange ve ga; ve er igbenda ve gbunô gbu gbunô; hanma or u nana zende sha i yô, nan fa bem ga.

Yesaia 59:8 Iomraidhean Croise

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Anzaakaa 2:13

mba ka ve undu igbenda i perapera, sha u zenden ken akaa a imegh la;

Anzaakaa 2:15

mba igbenda ve i hur i te aningir, mba eren dang ken zende ve;

Anzaakaa 21:8

Gbenda u or u nan lu a ibo iyol yô, u hule tsô, kpa or u wang yô, ieren i nan ngi jighilii je.

Anzaakaa 28:18

Hanma or u nan zenden sha mimi yô, á yima nan, kpa or u nan nzughul igbenda i nan yô, nana gba fese je.

Anzaakaa 3:17

Igbenda na ka igbenda i dedoo je, igbenda na cii kpaa ka i bem.

Yesaia 48:22

Ma bem kera ngu sha ci u aferaior ga, kape TER A kaa la.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yesaia 59:11

Se cii, se mba te kume er udwem nahan, se mba vaan zungwen er atii nahan; ka ijirôron i mimi se keghen ye, kpa ngi ga, man myom kpaa, kpa ngu ca a vese.

Yesaia 59:9

Ka nahan man ijirôron sha mimi i gbe ca a vese, perapera kpaa a ar sha a vese ga ye, se mba keghen iwanger, kpa ime gema ngi, se mba keghen mmondo u iwanger kpa se mba geman zenden ken angôghime.

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Yeremia 5:1

Zende nen wue sha igbenda i Yerusalem, shi nenge, pine man ker nen sha ityembe na, shin nea fatyô u zuan a oro, shin or môm ngu u nan eren jighilii nan keren mimi; nahan Me de un kwaghbo na.

Mateu 23:23

Kwagh á tser ne, ne mbangeren man Mbafarishi, ne mbaimangerev. Gadia ne mba tsough môm-ken-upue u kunguraku man yiye man ayegh, kpa ne kera wa akaa a a hembe lun a inja ken atindi la iko ga, er: ijirôron man mhôônom ma zungwen man jighjigh u nan, er i lu u né eren akaa ngan keng yô, shi ma ne de u eren angara kpaa ga.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

Mbaromanu 3:17

Gbenda u bem yô, ve fa u ga,