Yesaia 59:7 - ICIGHAN BIBILO

⁷ Angahar a ve nga zan ayem sha u za eren kwaghbo; mba zan fefa sha u za haan awambe a orishôôgh; mbamhen vev ka mbamhen mba ifer tsô, myôhôr kua mtim mba sha igbenda ve.

Yesaia 59:7 Iomraidhean Croise

Anzaakaa 1:16

Gadia angahar a ve nga ze ayem sha u za eren ifer, mba eren fefa sha u za haan awambe inya.

Anzaakaa 15:26

Mbamhen mba aferaior ka TER kwagh u ndôhôrshima je, kpa akaaôron a dedoo yô, nga wang.

Anzaakaa 24:9

Mhen u ibume ka kwaghbo je, man ornahantar ka kwagh u ndôhôr ishima je.

Anzaakaa 6:17

Ashe a sha imanger, man nombor u aiegh, ave a haan awambe a or u lun a ibo ga,

Anzaakaa 6:18

ishima i henen mbamhen mba bov, angahar a zan ayem sha u za eren ifer,

Yesaia 15:5

Ishima yam ngi vaan sha ci u Moabi; ior nav mba yevese, ve za ar hen Soar, hen Egelati-shelishiya, gadia gbenda u kôndo sha Luhiti la, mba kôndon u a mliam zwa je; man sha gbenda u zan sha Horonaim la kpaa mba geren mliam gbidyen vaa.

Yesaia 32:6

Gadia ibumeor ka nan ôr ibume kwagh, ishima i nan kpaa i eren iferkwagh, sha u eren kwagh u dang, man u ôron kwagh sha mtsum sha TER, geman den mbagenev ve̱ lu ijen her, man u nyumen mba imura i ker ve la, kwaghman.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 59:3

Gadia ave a en hôngor sha awambe, man ahôaveegh a en kpaa sha iferkwagh; ityumbuzwaagh yen kpaa er aie, nombor wen kpaa ngu er kwagh sha icugh.

Yesaia 60:18

Mayange á kera ungwa iperakwagh ken tar wou ga, shin myôhôr shin mtim ken ipaventar wou kpaa ga; wea yila ugilgar ou wer Myom, man ihindagar you kpaa wer Iwuese.

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Yesaia 66:18

Gadia M fa aeren a ve kua mbamhen vev; shighe ngu van u Me kohol akuraior cii kua ijô cii, vea va, vea va nenge icivir Yam.

Yesaia 66:4

Mo kpaa Me tsuwa akaa a zan ve iyol, man Me va ve a akaa a tan ve mciem iyol, sha ci u zum u M yila la, ma or nan vengese ga, zum u M ôr kwagh kpaa, ve ungwa ga; ve gema ve er kwagh u a lu u ifer sha ashe Am, man ve tsuwa kwagh u a doom ishima ga yô.

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Yeremia 41:7

Tsô, zum u ve nyôr ken atô gar yô, Ishemael wan u Netania wua ve, haa ve shin ijôr, wen kua ior mba ve lu a na imôngo la.

Ukwelegh 4:13

Lu sha ci u asorabo a uprofeti nav man afer a upristi nav, mba ve haa awambe a mba perapera inya ken atô na yô.

Esekiel 18:12

una kighir mbaatsanev man mbaibanave sha apera, una ngohol kwagh sha agee man una hide a ityungu ga, man una kende ashe na sha akombo, una er akaa a ndôhôrshima,

Esekiel 22:6

Nenge, mbatarev mba Iserael mba ken a we, hanmô sha tahav mbu nan, nan lu haan awambe.

Esekiel 9:9

Nahan A kaa a mo er: Iferkwagh i ya u Iserael man u Yuda i gba ikôr je cier iyol, man tar mgbough a awambe, man gar kpaa iv a mban u mimi; gadia mba kaan er: TER undu tar ne, man TER ngu nengen ga.

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

Mateu 2:16

Tsô Herode nengen er mbafankwagh mbala bume un a bume yô, ishima vihi un tsung, a tindi er, i̱ za wua mbayevnomso mba ve lu ken Betelehem kua ken ityar i i kase un la ca ca, hii sha mba ve lu anyom ahar kua mba ve yen nahan kpaa, sha inja i shighe u a time vighe vighe hen mbafankwagh la.

Mpase U Yohane 17:6

M shi m nenge kwase la lu hunden sha awambe a uicighanmbaiorov man shi sha awambe a mbashiada mba Yesu kpaa. M nenge a na nahan kpiligh mo iyol je gande.