Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;
Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.
Nenge, ne mba her kwaghyan sha ci u num u nôngon man zwazôhôn, man sha ci u tan iju sha dang, ne mba kera her kwaghyan hegen sha u á ungwa imo yen Sha ga.
Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.
una kighir mbaatsanev man mbaibanave sha apera, una ngohol kwagh sha agee man una hide a ityungu ga, man una kende ashe na sha akombo, una er akaa a ndôhôrshima,
Ipila vese hingir tôgh ku ifer; ma kwagh una shi ken a ve ga, shin sha mngee ve, shin sha inyaregh vegh kpaa ga, man shi ma icivir i hemban kpaa ia lu ken a ve ga.
Nahan A kaa a mo er: Iferkwagh i ya u Iserael man u Yuda i gba ikôr je cier iyol, man tar mgbough a awambe, man gar kpaa iv a mban u mimi; gadia mba kaan er: TER undu tar ne, man TER ngu nengen ga.
Gadia M kôr ivaa i paven ihom, kape TER, Aôndo u Iserael, A kaa ne, kua wen u a cir ipila sha ikondo na la, kape TER u akum a Sha A kaa ne; nahan yô, ver nen ishima sha jijingi wen, sha u né kera undu mimi ga yô.