Yesaia 59:3 - ICIGHAN BIBILO

³ Gadia ave a en hôngor sha awambe, man ahôaveegh a en kpaa sha iferkwagh; ityumbuzwaagh yen kpaa er aie, nombor wen kpaa ngu er kwagh sha icugh.

Yesaia 59:3 Iomraidhean Croise

Anzaakaa 6:17

Ashe a sha imanger, man nombor u aiegh, ave a haan awambe a or u lun a ibo ga,

Yesaia 1:15

Zum u ka nea naregh ave a en yô, M gema M yer ne ishigh Yagh kera; zum u ne seer a seer eren mbamsen kpishi kpaa, M ver ato ga; ave a en iv a awambe.

Yesaia 1:21

Er nan man gar u mimi a hingir idyakwase nahana, wen u a mgbough a mimi la! Perapera yan lu ker a na, kpa hegen yô, mase kan mbawuanior tseegh ve lu ker ye.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yesaia 3:8

Gadia Yerusalem nôngo gbev, Yuda kpaa gba; gadia nombor ve kua aeren a ve nga ihom a TER, sha u bamen ashe a Na a icivirigh.

Yesaia 30:9

Gadia ka ior i hendan kwagh je, ônov mba aiev, ônov mba ve rumun u ungwan ityesen i TER ga yô;

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yesaia 9:15

Orvesen u lun a icivir ka nan nan lu ityough ye, man profeti u tesen ior aie la, ka un a lu tsa ye.

Yeremia 2:30

Ka gbilin tsô man M gbidi ônov enev ye; ve rumun mkôôm ga; sanker wen wua uprofeti enev, er begha ka a ande kwagh nahan.

Yeremia 2:34

Sha akondo a ou kpaa i zua a awambe a mbaatsanev mba ve lu a ishô yô; u kohol ve hemben iyou shin iin kwagh kpaa ga; er akaa ne a lu nahan kpaa u gema,

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Yeremia 7:8

Nenge, ne yô, ne mba suur sha kwaghôron u aiegh u lun a inja ga.

Yeremia 9:2

Ma m lu ase a ijiir i tsan ker ken taaikôngo, i i ver sha ci u mbakaren gbenda, ma m pav a ior av, ma m undu ve! Gadia ve cii ka udyambaiorov je, ikumior i lun a jighjigh ga.

Yeremia 9:7

Nahan yô, TER u akum a Sha ngu kaan nahan er: Nenge, Me sough ve, Me kar ve; gadia Me er nana ase, sha ci u wankwase u ior Ava?

Esekiel 13:8

Nahan yô, Ter AÔNDO ngu kaan nahan er: Er ne ôr kwagh u icughugh man ne nenge mpase u aiegh, sha ci u nahan yô, nenge, M ngu ihom a ven, kape Ter AÔNDO A kaa ne.

Esekiel 22:2

We wan u or, ú ôr gar u haan awambe ne ijir, ú ôr un ijiri? Yô, pase un aeren a na a ndôhôrshima cii.

Esekiel 35:6

nahan yô, er M lu u uma ne, kape Ter AÔNDO A kaa ne, Me gema u, ú hingir awambe; awambe aa tôv u ityô; er u venda awambe ga yô, awambe aa tôv u ityô.

Esekiel 7:23

Er ishirigh, gadia tar iv a ibo i awambe, gar la kpaa mgbough a ipila.

Esekiel 9:9

Nahan A kaa a mo er: Iferkwagh i ya u Iserael man u Yuda i gba ikôr je cier iyol, man tar mgbough a awambe, man gar kpaa iv a mban u mimi; gadia mba kaan er: TER undu tar ne, man TER ngu nengen ga.

Hosea 4:2

Ka u bumun, man u eren aie, man u wuan, man u iin, man u eren idya; mba hemben uya, je awambe a haan inya dondo sha awambe a haan.

Hosea 7:13

Kwagh á tser ve! Ve yevese ve undum! I̱ tim ve kera, gadia ve hendan a Mo; ma M paa ve, nahan kpaa ve wam aie iyol.

Hosea 7:3

Ve na tor iember sha aeren a ve a bo, kua mbatarev kpaa sha mbaaie vev.

Mika 3:4

Zum la vea vaa a TER, kpa Una wa ve iko ga; Una yer ve ishigh Nagh hen shighe la, sha ci u aferakaa a ve er la.

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

Mateu 27:4

a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

1 Timoteu 4:2

Ka sha imanger i mbaaiev mba i ver ve ikav ken imo i ken asema a ve er ka sha iyôgh ki acivin nahan.