Yesaia 59:16 - ICIGHAN BIBILO

¹⁶ Shi A nenge or môm lu ga, kpiligh Un iyol er ma or u nan paase kwagh nan lu ga yô; ka sha ci u nahan man uwegh Nagh ku wase Un; perapera Na kpaa suwe Un.

Yesaia 59:16 Iomraidhean Croise

Upasalmi 106:23

Ka nahan man A kaa er, Una tim ve kera ye; ka Mose, icuwanor Na la, va tile Un sha ishi a zamber, sha u goom a iyugh Na kera, sha er A̱ de timin ve ga ye.

Upasalmi 94:16

Ka an nana mough num a mbaerenakaabo sha ci wama? Ka an nana wasem nana mough num a mbaerenaferakaa?

Upasalmi 98:1

Wa nen TER icam i he, gadia A er akaa a kpilighyol je; uwegh Nagh ku yanegh man icighanikasewe Na, na Un mhembe.

Yesaia 33:2

TERE, zungwe se mhôônom; se mba keghen We; lu uwegh asegh hanma sev, myom wase kpaa sha shighe u ican.

Yesaia 33:3

Sha ayôôso a baver baver la, akuraior sambe; sha mkende u iyol You sha yô, akuraior sambe saratete.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 41:28

Zum u M jinge yô, or lu ga; ken a ve je kpaa ma or u wasen mhen nan ngu ga, sha u ma M pin ve kwagh, ma ve kaam yô.

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Yesaia 53:1

Ka an je nan ne kwagh u i pase se la jighjighii? Man i pase uwegh ku TER hen ana?

Yesaia 62:8

TER bum uwegh Nagh ku yanegh man uwegh Nagh ku ageegh, er: Mayange Me kera na alakema wou a̱ hingir kwaghyan u mbaihomov ou ga; ior mba iniongo igen kpaa vea kera ma zar u atam a wain a ou, a u er tom u ican sha mi la, ga;

Yesaia 64:7

Ma or u yilan sha iti You u nan torough iyol i nan er nana var a We, nan ngu ga; gadia U yer ishigh You, man U gbihi se se saa sha ikev i aferakaa ase.

Yeremia 5:1

Zende nen wue sha igbenda i Yerusalem, shi nenge, pine man ker nen sha ityembe na, shin nea fatyô u zuan a oro, shin or môm ngu u nan eren jighilii nan keren mimi; nahan Me de un kwaghbo na.

Esekiel 22:30

M ker or môm ken ve u nana sôr kpekpegar man nana tile hen ijiir i i hembe kpekpegar la sha ishigh Yagh sha u M̱ de kera timin tar la ga, kpa M tser a ma or ga.

Marku 6:6

Kpiligh Un iyol a mban u jighjigh ve u nan.