Yesaia 59:1 - ICIGHAN BIBILO

¹ Nenge, uwegh ku TER ku yina sha u Una yiman ga, ato Na kpaa yuhwa sha u ungwan ga;

Yesaia 59:1 Iomraidhean Croise

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

Upasalmi 94:9

Wen u A we togh yô, Una ungwa ga ha? Wen u A er ishe yô, Una nenge ga ha?

Yesaia 50:1

TER ngu kaan nahan er: Takerada u paven ivôson i ngôu, u M te kera la, ngu hana? Man shi ka hanma or u yaren Mo injô, M tee nan we? Nenge, ka sha ci u akaabo a en i tee ne ye, man ka sha ci u afer a en man i te ngô wen kera kpaa ye.

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Yesaia 58:9

Nahan wea yila, TER kpaa Una rumun; wea genger imo kpaa, Una kaa er: Mo ne. Aluer wea dugh igbur i hen a we la kera, man shi hôwe u dughun sha ilyahan kua u ôron kwagh sha ifer kpaa yô;

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Yesaia 63:1

Ka an or nan lu duen ken Edom, a akondo a nyian bong ken Bosera, nan civir ashe sha akondo a nan lu a mi iyol la, nan zenden ken tahav mbu nan mbu vesen laa? Ka Mo u M er kwagh u perapera man M lu a agee a yiman ne.

Yesaia 65:24

Tsô er ve lu a yila ga kpaa, Me rumun, man er ve lu a kure kwaghôron ga je, tsô Me ungwa.

Yeremia 14:9

Ka nyi man U hingir er or u i kondo nan iyol, er orageegh u nan fetyô u yiman or ga nahana? Nahan kpaa U ngu her atô wase TERE, mba yer se sha iti You; de undun se ga!

Yeremia 32:17

Ahi! Tere, AÔNDO. Nenge, We, U er Sha man tar sha agee a Ou a vesen man sha uwegh Ough ku naregh; ma kwagh u hemban we ngu ga;

Esekiel 8:18

Sha ci u nahan yô, Mo kpaa Me yuwe, ishe Yam kpaa ia tange ga, man Me zungwe mhôônom kpaa ga; man shi vea genger imo vea vaa sha ato Am kpaa, nahan kpaa Me kera ungwa ve ga.

Mika 2:7

Doo u kaan kwagh ne kpa, we ya u Yakob, Jijingi u TER ngu a ishima i wan je gaa? Ka aeren a Na nee? Mkaanem Am ma ne mkpeyol hen or u nan zenden zende u jighilaa gaa?

Numeri 11:23

TER kaa a Mose er: Nahan uwegh ku TER yina zee? Hegen ú nenge kwaghôron Wam, shin una kure u sha mi vough, shin una kure ga kpaa.

Mateu 13:15

Gadia ishima i nongoior ne cighir, ato a ve kpaa nga ongo dedoo ga; ve kusu ashe a ve kpaa, sha u vea nenge sha ashe a ve ga; man vea ungwa sha ato a ve kpaa ga, vea kav ken asema a ve ga, vea shi vea gema man Mo Me bee ve angev ga.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Samuel 4:3

Zum u ior hide hen afo yô, mbatamen mba Iserael pine er: Ka nyi man TER A er Mbafiliti ve hembe se nyian nahana? Yô, sé za tôô nen areki u ikuryan u TER ken Shilo, sé va nen a mi heen, a̱ va nyôr hen atô wase, a̱ yima se sha ikev i mbaihomov asev.

1 Samuel 8:18

Sha iyange la né vaa sha ci u tor u ne tsough la; TER kpaa Una kera ungwa imo yen sha iyange la ga.