Yesaia 57:5 - ICIGHAN BIBILO

⁵ Ne mba asaren a iyolough a mgbegh ne hen ikon i terebin, shin itine i hanma kon u ndor yô; ne mba ne woo mbayev shin pev, shin ikwe i avande kpaa.

Yesaia 57:5 Iomraidhean Croise

1 Utor 14:23

Gadia ve maa ajiir a taven sha, shi ve tim mtôm ma awenem man Asherim sha hanma igungu u taven, man shin itine i hanma kon u lun a mure;

2 Utor 17:10

ve tim mtôm ma awenem sha ci u ve ayol a ve kua Asherim kpaa, sha hanma igungu u taven man shin hanma kon u lun a mure;

2 Utor 17:7

Gadia Mbaiserael er TER, Aôndo ve, kwaghbo, u A due a ve ken tar u Igipiti sha ikev i Farao tor u Igipiti la, ve civir mbaaôndo mbagenev,

2 Utor 23:10

Shi a hôngor a Tofeti u a lu shin pev u ônov mba Hinom la kpaa, sha er ma or nana̱ de kera eren wan u nan u nomso shin u kwase a̱ karen ken atô u usu sha ci u Moleki ga.

2 Kroniku 28:3

Man shi a nande kwaghhumandoon shin pev u wan u Hinom, a nande ônov nav sha usu sha aeren a hôngorough a atôatyev, a TER lu zenda a sha ishigh ki Mbaiserael kera la.

Ekesodu 32:6

Kper nan yô, ve mough pepe, ve na iniav mbi nanden, shi ve va a iniav mbi bem kpaa; tsô ior tema inya gba yan akaa man akaa, shi ve mough ve gba vinen amar.

Yesaia 1:29

Gadia kunya ua kôr ne a ikon i terebin i i sar ne la, nea va ahenge kpaa, sha ci u ishule i ikon i ne tsough i la.

Yeremia 17:2

er ônov vev ve umbur atse a ve a nanden nagh sha mi man Asherim ve hen ikon i hômon ika sha agungu a taven,

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.

Yeremia 3:13

Kpa rumun iferkwagh you er u er TER, Aôndo wou, kwaghbo, man u kaha u ze hen mbaaôndo mbagenev, shin hanma itinekon i lun a mure; man imo Yam kpaa ne kera wa iko sha mi ga, kape TER A kaa ne.

Yeremia 3:6

Man shi TER kaa a mo sha ayange a tor Yoshia la er: U nenge kwagh u Iserael u a undu mimi na la a er kpa? A unde sha hanma gôgôwo man a nyôr shin hanma tinekon i lun a mure, a er idya heregh.

Yeremia 32:35

Ve maa ajiir a taven sha a Baal kpaa, a a lu shin pev u Ben-hinom, sha u nan ônov vev mba nomso kua mba kasev ve kar ken usu sha u civir Moleki; kwagh u M ne ve zwa ga, a nyer ken ishima Yam kpaa ga; sha u vea er kwagh u ndôhôrshima ne, vea na Yuda a er isholibo yô.

Yeremia 50:38

Icegh ki̱ va sha mngerem nam, ma uma kera; gadia ka tar u ieev je, akombo a ve la er ve, ve nyôr ihundu.

Yeremia 51:7

Babilon vande lun iyongo i zenaria sha uwegh ku TER, i i na tar cii u hunde la; akuraior ma wain na, nahan akuraior hunde.

Yeremia 7:31

Ve maa ajiir a taven sha a Tofeti, u a lu shin Pev u Ben-hinom la, sha u vea nande ônov vev mba nomso kua mba kasev sha usu, kwagh u M ne zwa ga, man shi a nyer ken ishima Yam kpaa ga yô.

Esekiel 16:20

Man shi ônov ou mba nomso man mba kasev, mba u marem la, u gema ve u na mbi nagh a mi, sha u ve̱ hingir kwaghyan u mbi. Idya you la, ka kwagh u kiriki,

Esekiel 20:26

man M hôngor a ve sha iniav vev mbi nan er ve̱ na ônov vev mba iundav u karen ken usu, sha er M̱ vihi ve kera man ve̱ fa er Mo M lu TER ye.

Esekiel 20:28

Gadia zum u M va a ve ken tar, u M bum a ve Mer, Me na ve la, ve gema ve nengen hanma igungu u taven man hanma kon u lun a mure, ka heregh ve na iniav vev mbi sôngon, man ka heregh ve na iniav vev mbi nan ishimavihin; shi ka heregh kpaa ve we kwaghhumandoon ve, man ve toon iniav vev mbi man ye.

Esekiel 20:31

Sha iniav enev mbi ne na, er ne na ônov enev mba nomso u karen ken usu yô, ne mba hôngor a ayol a en sha akombo a en cii zan zan nyian, nahan kpaa shi Me rumun Mer, pinem nen kwagha, we ya u Iseraele? Er M lu u uma ne, kape Ter AÔNDO A kaa ne, M rumun ne u pinen Mo kwagh ga;

Esekiel 6:13

Man nea fa er Mo M lu TER ye, zum u mba i woo ve la, vea haa inya ken atô u akombo a ve hen atse a ve a nan nagh sha mi, á ningir á tser la, sha hanma igungu u taven man sha ityouv mbi iwoov cii, man shin hanma tinekon u ndor kpaa, man shin hanma itine i terebin u ngeen ika, hen ijiir i ve ne akombo a ve cii nagh ku dedoo la.

Levitiku 18:21

De ne mô wan wou sha u i̱ kar a nan ken usu sha ci u Moleki ga, de hôngor a iti i Aôndo wou ga; ka Mo TER.

Numeri 25:6

Yô, orgen u ken Mbaiserael za va a kwase u Midian va nyôr a mi hen anmgbianev nav sha ashe a Mose je kua sha ashe a ior i Mbaiserael cii, er ve lu vaan hen hunda u tenti u kohol ker la je.

Duteronomi 12:2

Vihi nen ajiir, a akuraior a né za zenda a la, a lu civir mbaaôndo vev ker la kera cii, ka sha ugôgômbaiwoov man sha agungu man shin itine i hanma kon u ndor;

Mpase U Yohane 18:3

Gadia akuraior cii ma wain u isharen na i ijimbagh la. Utor mba shin tar kpaa er idya a na. Mbakasuav mba shin tar hingir mbanyarev sha agee a ishar na i i haa ve iyol la.