Yesaia 57:3 - ICIGHAN BIBILO

³ Kpa ne yô, kporom nen heen, ne ônov mba kwase u eren ahir, vor u idyaor man u agbaga.

Yesaia 57:3 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Yesaia 1:21

Er nan man gar u mimi a hingir idyakwase nahana, wen u a mgbough a mimi la! Perapera yan lu ker a na, kpa hegen yô, mase kan mbawuanior tseegh ve lu ker ye.

Yesaia 1:4

Kwagh á tser ne! Ne ikurior i eren kwaghbo, Ne ior mba ne lu a iferkwagh i yuhwan ne, ne tsombor u mbaaferev, ne ônov mba eren dang! Ve undu TER, ve laha Icighan u Iserael, ve pav a Na, ve hile ijime.

Yesaia 45:20

Kohol nen ayol a en va nen; kporom nen imôngo, ne mba ne wer ken akuraior. Ve mba a mfe ga, ve mba ve tee ieev vev mbi i gbe mbi sha kon la, man mba ve eren msen, ve sen aôndo u a fetyô u yiman ga la.

Yesaia 48:16

Kporom nen her a Mo, ungwa nen kwagh ne: sha hiihii je M ôr kwagh ken myer ga; zum u kuma u kwagh la una er yô, Mo M lu heregh je; hegen Ter AÔNDO tindim kua Jijingi Na.

Yesaia 57:7

U tar gambe wou sha uwo u taven u kenden sha; ka shaala je, u undu u za ne nagh ku sôngon ye.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yeremia 3:6

Man shi TER kaa a mo sha ayange a tor Yoshia la er: U nenge kwagh u Iserael u a undu mimi na la a er kpa? A unde sha hanma gôgôwo man a nyôr shin hanma tinekon i lun a mure, a er idya heregh.

Yeremia 3:9

Tsô sha idya na i dang de dang la, tar hôngor, een, a er idya a awen man a ikon.

Hosea 1:2

Zum u TER hii u ôron kwagh a Hosea yô, TER kaa a Hosea er: Za za er idyakwase man lu a ônov mba idyakwase kpaa, gadia tar ne ngu eren idya tsung undun TER.

Hosea 2:4

Ônov nav kpaa Me zungwe ve mhôônom ga, gadia ve mba ônov mba i mar ve sha idya yô.

Hosea 2:6

Nahan yô, nenge, Me yua gbenda wou sha usaa, Me maa kpekpe u yangen un sha u a̱ de kera zough a igbenda na ga yô.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 12:34

Ne ônov mba igbindev, á er nan man ne mba ne lu mbaaferev, né ôr akaa a doono? Gadia ka sha m-iv u ken ishima man zwa u er kwagh ye.

Mateu 16:4

Kov u ifer u idya ngu keren ivande kpa á na u ma ivande ga, saa di ivande i Yona tsô. Tsô A undu ve A yem.

Mateu 23:33

Ne iyô, ne ônov mba igbindev! Né er nan man né war ibo i nan i ken gehena la?

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Luka 3:7

Tsô a kaa a ikpelaior i i due sha u a̱ er ve batisema la er: Ne ônov mba igbindev mban, ka anti man nan we ne kwagh er, ne̱ yevese iyugh i i lu van la ase?

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.