Yesaia 57:2 - ICIGHAN BIBILO

² nan kar nan nyôr ken bem; mba memen sha ugambe vev, hanmô u nan lu zenden jighilaa yô.

Yesaia 57:2 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

2 Kroniku 16:14

Ve ii un ken uwar na u a time sha ci na iyol na ken gar u Davidi yô; i gbir un sha gambe u a mgbough a ilôghonov mbi human doon atô kposo kposo, mbi i nongo mbi sha mfe u orfan u nungwan kwaghhumandoon yô, ve nande kwaghhumandoon kpishi sha ci na.

Yobu 3:17

Keela yô, mbaaferev ve kera kumbur ga, keela kpaa mbavôron mba memen.

Upasalmi 37:37

Ver ishima sha or u vough, shi nenge sha or u mimi kpaa, gadia injar ngi sha ci u or u bem;

Orpasenkwagh 12:7

man vuulevu shi ua hide shin inya er i lu tsuaa nahan, jijingi kpaa una hide her Aôndo U lu na un yô.

Yesaia 14:18

Utor mba akuraior cii, ve cii, ka ken icivir ve yav ye, hanmô hen ya u nan,

Yesaia 26:7

Gbenda u orperapera ngu vaanaa; ka U sôr gbenda u orperapera u lu shambe shambe.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Esekiel 32:25

Ve tar un gambe ken atô u mba i woo ve, a ikpelaior na imôngo cii; iwar na kase un; ve cii ka mbaipusuv, i wua ve sha sanker; gadia ve taan ior mciem iyol ken tar u mbaumav, mba yan kunya ve a mba ve hongo shin ihungwa la imôngo; i wa un ken atô u mba i woo ve la.

Daniel 12:13

Kpa we, yem tsô, zan zan mkur; gadia ú mem, man ú mough ú tile sha kwar wou, sha mkur u ayangegh.

Mateu 25:21

Tsô ter na kaa a na er: Doo yum, we ortom u injaa u jighjigh, u er jighjigh sha akaa a kpeghee, nahan me ver u sha akaa kpishi. Nyôr ken iember i teru.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Luka 16:22

Tsô or u sônon la va kpe, mbatyomov mba Shaav tôô un, za a mi ken ikum i Aberaham.

Luka 2:29

Hegen yô, Tere, de wanakiriki Wou a̱ yem bem, bem sha mkaanem Ou;

Luka 7:50

A kaa a kwase la er: Jighjigh wou u nan war u; yem bem bem.

2 Mbakorinte 5:1

Se fa tenti u shin tar ne u se tse ker ne, aluer á sough un kera kpaa, se mba a iyou i Aôndo, ka ya u tsôron u Sha u i maa un sha ave ga yô.

2 Mbakorinte 5:8

Ishima i taver se, hemba saren se u duen ken iyol kera za lun vea Ter.

Mbafilipi 1:23

Asema hingir mo ahar. Sarem ka yemen za lun vea Kristu, gadia nahan hemba doon yum.

Mpase U Yohane 14:13

Shi m ungwa imo due Sha, kaa er: Nger wer: Hii hegen je zan zan mbakpenev mba ve kpe ken Ter yô, á saan ve iyol. Jijingi kaa er: Kape i lu je la, ka sha u vea mem ityom ve gadia aeren a ve nga zan a ve ityô.