Yesaia 57:11 - ICIGHAN BIBILO

¹¹ Ka an je nan cier we iyol, u cie nan je u nyer eren aie; Mo kpaa, u kera umbur Mo ga, u kera wa iko her kpaa ga. Ka er M huan ving ica i gbe man u kera ciem ga yee?

Yesaia 57:11 Iomraidhean Croise

Upasalmi 50:21

Akaa ne u er, kpa M huan ving, nahan u hen wer, M ngu er we nahan vough; kpa Me zôhô a we, Me pase a sha ashe ou.

Upasalmi 78:36

Kpa ve bume Un sha zwa, ve tsugh Un sha nombor ve.

Anzaakaa 29:25

Mcie u cian or ka a va a kwaghhônon, kpa or u nan suur sha TER yô, nana tema doo doo.

Orpasenkwagh 8:11

Ka er i kur ijirôron i sha tom u ifer fefa ga yô, man ishima i ônov mba iorov i taver sha u eren ifer nahan ye.

Yesaia 26:10

Ka a zungwe iferor mhôônom kpaa, nan hen u eren perapera ga, nan eren iferkwagh ken tar u mimi je, nan nengen a icivir i TER i hemban la ga.

Yesaia 30:9

Gadia ka ior i hendan kwagh je, ônov mba aiev, ônov mba ve rumun u ungwan ityesen i TER ga yô;

Yesaia 42:14

M huan gbang, M lu ving, M wa ishima gbong gbong; ahegen yô, Me ngor er kwase u toghor mar yô, Me ôô taver taver kua fegh fegh icin i môm.

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Yesaia 47:7

Man shi u kaa wer: Me tema kpamkwase gbem; kpa u ver ishima sha akaa ne ga, u kera umbur mkur u a kpaa ga.

Yeremia 2:32

Iniunkwase á fatyô u hungul ikav nav mbi hweev je, shin kwasehe una hungul kwange na u sha hwe je kpa? Nahan kpaa ior Av je kera umbur Mo ga, ayange gande u ôron.

Yeremia 3:21

Ungwa, ikenge sha agungu a penem penem, mliam man zamber u ônov mba Iserael, sha ci u ve kaha gbenda dang, TER, Aôndo ve, hungul ve.

Yeremia 38:19

Tsô tor Sedekia kaa a Yeremia er: M ngu cian Mbayuda mba ve za kohol Mbakaldi la, sha er ve̱ de nem sha ikev ve, ve̱ nahan mo tar ga.

Yeremia 41:18

sha ci u cian Mbakaldi; gadia ve lu cian ve, sha ci u Ishemael wan u Netania wua Gedalia wan u Ahikam, u tor u Babilon ver un gomna sha tar shon la yô.

Yeremia 42:20

gadia ne tsume je ne vihi uuma enev kera; gadia ne tindim hen TER, Aôndo wen, ner: Sôn TER, Aôndo wase, sha ci wase, kwagh u TER, Aôndo wase, Una ôr cii yô, pase se, sé er un.

Esekiel 13:22

Sha ci u ne vihi ishima i mbaperapera sha aie, mba M vihi ve asema ga, man ne taver ave a iferor, sha er nana̱ de kera hiden ijime sha gbenda u nan u bo, nana̱ war ga.

Hosea 11:12

Eferaim kasem sha mbaaie, ya u Iserael kpaa kasem sha icugh, man Yuda kpaa ar ave, kera wa Aôndo iko ga man U a lu Icighan u jighjigh la kpaa ga.

Mateu 25:25

Yô, mo m cia a yagh, m za yer talenti wou ne shin inya; ngohol a you kwagh wou.

Aerenakaa A Mbaapostoli 5:3

Kpa Peteru kaa er: Anania, inja na nan man Satan a iv u ken ishima er u̱ er Icighan Jijingi aie, u̱ pande ishe i sule la u̱ yere?

2 Timoteu 2:9

Ka un u mve na a lu sha injatom i Satan sha uivande man akaa a kpilighyol a aiegh,

1 Timoteu 4:2

Ka sha imanger i mbaaiev mba i ver ve ikav ken imo i ken asema a ve er ka sha iyôgh ki acivin nahan.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.