Yesaia 57:1 - ICIGHAN BIBILO

¹ Orperapera ka nan saa kera, kpa ma or nan wa iko her ga; mba tôôn mba ve we Aôndo iko mbala kera, kpa ma or nan kera hen ken ishima i nan er i lu sha ci u palegh kwaghbo man i tee orperapera kera nahan ga;

Yesaia 57:1 Iomraidhean Croise

1 Utor 14:13

Iserael cii vea zungwe ku na, vea ii un; gadia ior i Yerobiam cii ka un tseegh a ii un shin uwar ye; gadia ken a na yô, i wa zuan a kwagh u dedoo sha ishigh ki TER, Aôndo u Iserael, ken ya u Yerobiam.

2 Utor 22:20

Nahan yô, nenge, Me kohol we a uter ou imôngo, á hungwa a we shin uwar bem bem, ashe ou aa nenge bokwagh u Me va a mi sha ijiir ne je ga. Tsô ve shi ve hire hen tor ve va ôr un nahan.

2 Kroniku 32:33

Tsô Hesekia yav a uter nav imôngo, i ii un sha ijiir i taven sha hen iwar i ônov mba Davidi la; Yuda cii kua mba ve tem ken Yerusalem, ve civir ku na. Wan na Manase gema tema tor sha ityough nagh.

2 Kroniku 34:28

Nenge, Me kohol we a uter ou imôngo, á hungwa a we shin uwar bem bem, ashe ou aa nenge bokwagh u Me va a mi sha ijiir ne kua sha mba ve tem ken i ne ga. Tsô ve shi ve hide hen tor ve va ôr un nahan.

2 Kroniku 35:24

Tsô mbayev nav dugh un shin ikyekye na, wa un shin ikyekye na i sha uhar i a lu a mi la, ve va a na ken Yerusalem, maa a kpe; i ii un ken iwar i uter nav. Yuda cii kua Yerusalem zungwe ku u Yoshia.

Upasalmi 12:1

TERE, yima, gadia or u cian Aôndo kera ngu ga; gadia mbamimi ve bee ken ônov mba iorov kera.

Upasalmi 37:37

Ver ishima sha or u vough, shi nenge sha or u mimi kpaa, gadia injar ngi sha ci u or u bem;

Yesaia 42:25

Ka nahan man A haa ve iyugh Na i vihin tsung kua tahav mbu utya ye; i gba nanden ve sha usu, usu kase ve wa atô, nahan kpaa ve fa ga; hia ve kpaa, kpa ve wa iko ga.

Yesaia 47:11

Ka sha ci u nahan man kwaghbo una tser u ye, ú fa msôr na kpaa ga; kwaghbo una tser u, ú fatyô u mgbeghan un kera ga; mtim kpaa una bur u, kwagh u u fe un ga yô.

Yesaia 47:7

Man shi u kaa wer: Me tema kpamkwase gbem; kpa u ver ishima sha akaa ne ga, u kera umbur mkur u a kpaa ga.

Yesaia 57:11

Ka an je nan cier we iyol, u cie nan je u nyer eren aie; Mo kpaa, u kera umbur Mo ga, u kera wa iko her kpaa ga. Ka er M huan ving ica i gbe man u kera ciem ga yee?

Yeremia 18:11

Nahan hegen yô, shi ôr kwagh a ior i Yuda man mba ve tem ken Yerusalem, kaa wer: TER ngu kaan nahan er: Nenge, M ngu sôron kwaghbo veren a ver, Mer, a̱ va tser ne, man M ngu henen kwagh u Me er ne yô; shi hide nen, hanma or nana̱ gbihi gbenda u nan u ifer la, sôr igbenda yen kua aeren a en.

Yeremia 22:10

De vaan nen u a kpe la ga, man shi de zungu un kpa ga; kpa vaa nen tsung sha ci u wen u a yem la, gadia una kera hide ga, una kera nenge a tar u i mar un ker la kpaa ga.

Esekiel 21:3

kaa a tar u Iserael wer: TER ngu kaan nahan er: Nenge, M ngu ihom a we, Me tsuwe sanker Wam ken var na, man Me wua mbaperapera kua mbaaferev cii ken a we kera.

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Numeri 23:10

Ka an nana fatyô u ôron iyenge i vuulevu u Yakob, shin iyenge i umôm-ken-unyiin u Iseraela? Ma m kpe ku u orperapera, mkur wam ma a lu er u na nahan!