Yesaia 55:3 - ICIGHAN BIBILO

³ Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yesaia 55:3 Iomraidhean Croise

Genese 17:7

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

2 Samuel 23:5

Kape ya wam a lu hen Aôndo je la gaa? Gadia A ya ikur i tsôron a mo, i i vande sôron i vighe vighe, man ka i bunden ga kpaa; gadia myom wam cii kua isharen yam cii, Una er er vea vese gaa?

2 Samuel 7:29

yô, rumun, ver ya u wanakiriki Wou, a̱ tsôr sha ishigh You gbem; gadia We Ter AÔNDO, U kaa nahan; sha iveren You i dedoo la ya u wanakiriki Wou a̱ lu a iveren gbem sha won.

2 Kroniku 6:42

TERE, Aôndo, de gem ishigh ki or u U shigh nan mkurem la kera ga! Umbur aeren a dedoo a U er a wanakiriki Wou Davidi la.

Upasalmi 119:112

M ver ishima sha u eren akaawan a Ou gbem zan zan mkur je.

Upasalmi 119:175

Uma wam a̱ lu uma, a̱ wuese We; akaaôron a Ou a jirigh kpaa, a̱ wasem.

Upasalmi 78:1

Ne ior av, ver nen ato sha ityesen yam, kegh nen ato sha akaaôron a ken zwa wam ne.

Upasalmi 89:28

Erdoo Wam una lu her sha ci na gbem sha won, ikuryan Yam a na kpaa ia lu her taveraa.

Upasalmi 89:29

Me er tsombor na ua lu gbem, ikônough nagh ki torough kpaa, kia lu er ayange a Sha yô.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Anzaakaa 4:20

Wan wam ver ishima sha akaaôron a am; ver ato sha mkaanem am;

Anzaakaa 7:2

Wa atindi am iko, lu uma, ityesen yam kpaa, kura i er hongorshe wou nahan,

Yesaia 51:4

Ver nen ishima her a Mo, ne ior Av, ver nen ato her a Mo, we ikurior Yam; gadia ityesen ia due her a Mo, Me ver mimi Wam una hingir iwanger i akuraior.

Yesaia 54:10

Shin iwo ia kar kera, man agungu kpaa aa kpegher nahan kpaa erdoo Wam a we yô, una kar hen a we kera ga; ikuryan Yam i bem kpaa ia kpegher ga, kape TER u A zungu u mhôônom, A kaa la.

Yesaia 54:8

Ka sha ishima i nyoon M yer u ishigh Yagh sha anshighe kpeghee ye; kpa M zungwe u mhôônom sha erdoo u tsôron, kape TER Orpaan wou A kaa la.

Yesaia 61:8

Gadia Mo TER, ijirôron i mimi doom, kpa M kôr mngohol u i ngohol ior akaa sha apera la ihom kua ifer kpaa; Me na ve injar sha shighe vough, Me ya ikur i tsôron a ve.

Yeremia 30:9

kpa vea er TER, Aôndo ve, tom, kua tor ve Davidi u Me ver ve la.

Yeremia 32:40

Me ya ikur i tsôron a ve, Me de u eren a ve dedoo ga; Me ver mciem ma cian Mo ken asema a ve, sha u ve de kera undun Mo ga yô.

Yeremia 33:26

nahan vor u Yakob man u Davidi wanakiriki wam la kpaa Me gbihi u kera, je Me kera tôô or ken vor na u nana̱ tema tor sha vor u Aberaham man Isaka kua Yakob ga; gadia Me gema mlu ve la, Me zungwe ve mhôônom.

Yeremia 38:20

Kpa Yeremia kaa er: Vea na u sha ikev ve ga. Shi ungwa imo i TER, sha kwagh u m kaa u la, ka nahan man á kpe u iyol man uma wou kpaa una war ye.

Yeremia 50:5

Vea pine kwagh u Shion, vea ver ishigh her a na, vea kaa er: Va, sé zua nen a TER sha ikuryan i tsôron i ia hungul mayange ga yô.

Esekiel 16:60

Nahan kpaa, Me umbur ikuryan Yam a we sha ayange a iyev ou la, man shi Me ya ikur i tsôron a we.

Esekiel 34:24

Mo TER Me hingir Aôndo ve, man wanakiriki Wam, Davidi, una tema tor sha a ve; ka Mo TER M kaa nahan ye.

Esekiel 34:25

Me ya ikur i bem a ve, Me er inyamtoho i vihin kwagh ia due hen tar la kera, man vea tema bem bem ken taaikôngo, man vea yav shin ikô kpaa.

Esekiel 37:26

Man shi Me ya ikur i bem a ve, ia lu ikuryan i tsôron a ve; Me ver ve her, Me na, vea ngee, man Me ver icighanjiir Wam ken atô ve gbem sha won.

Levitiku 18:5

Yô, waan nen akaawan a Am man akaaôron a Am a jirigh iko, a or á er sha mi yô, nana lu uma sha a; ka Mo TER.

Amoshi 5:4

Gadia TER ngu kaan a ya u Iserael nahan er: Kerem nen, nahan né lu uma.

Amoshi 5:6

Ker nen TER, nahan né lu uma; gayô, Una yegh er usu nahan ken ya u Yosev, u ua hia je or u pirin u sha ci u Betel nana lu ga;

Mateu 11:28

Va nen her a Mo, ne mba i ver ne iyol cii, ikav mbi yoho ne kpaa, Mo me na ne mmem.

Mateu 13:16

Kpa ne yô, saan ashe a en iyol, gadia nga nengen, ato a en kpaa saan a iyol gadia nga ungwan.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 7:37

Sha iyange i masetyô la, lu zegeyange u iniongo je la, Yesu tile sha, genger imo kaa er: Aluer imura ia kôr hanma or yô, nana̱ va her a Mo, nana̱ va ma.

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

Aerenakaa A Mbaapostoli 13:34

Man sha kwagh u mnder u A nder Un shin mbakpenev sha er mayange Una kera hide ken mhee ga la yô, A kaa nahan er: Me na ne iveren i Davidi i ia bunde mayange ga la.

Mbaromanu 10:5

Mose nger er: Or u nan eren perapera u sha atindi la yô, nana lu uma sha mi.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,