Yesaia 53:6 - ICIGHAN BIBILO

⁶ Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yesaia 53:6 Iomraidhean Croise

Genese 22:6

Aberaham tôô ikon i nanden nagh penda wan na Isaka sha vande, un iyol na yô, kôr usu man ihô sha uwe; tsô ve uhar cii, ve gba yemen imôngo.

Upasalmi 119:176

M tsume er iyôngo i i saa yô, ker wanakiriki Wou, gadia atindi a Ou hungul mo ga.

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Yesaia 40:2

Ôr nen kwagh u pever Yerusalem ishima, yila nen un genger genger, kaa nen ner, ayange a na a yan ican bee ve, i de un iferkwagh na kpaa; a ngohol mtsaha sha ikev i TER sha asorabo na cii, kuma kwa har je.

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Yesaia 53:5

Kpa i kuma Un sha ci u akaabo ase, i vihi Un iyol sha ci u aferakaa a ase; mtsaha u van se a bem la, gema lu sha a Na; ka sha igbidiv Nav man i wanger se ye.

Yesaia 53:7

I er Un ican je, nahan kpaa A rumun er i̱ hee Un, zwa tsô kpaa A bugh ga; er waniyôngo u i ze a mi sha u za sôngon yô, man er iyôngo ka i lu ving sha ishigh ki mbatôndon i aive nahan, kape A bugh zwa Na ga la.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 55:8

Gadia mbamhen Av ka mbamhen enev ga, igbenda yen kpaa ka igbenda Yam ga, kape TER A kaa la.

Yesaia 56:11

Een, iwa i eren hua, mayange ngi fe iden ga; ve ka mbakuranilev mba ve fe u veren ishima sha kwagh ga yô; ve cii ve hurugh, hanmô ve ngu yemen gbenda u nan je, hanmô ve, hen mtsera u nan, ve cii mba kwagh môm tsô.

Yesaia 6:7

a va bendem i sha zwa, a kaa er: Nenge, ngin bende u sha ityumbuzwaagh ve, nahan i tôô ibo you kera man i de u isholibo you kpaa.

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 50:6

Ior Av, iyange ve lu er iyôngo i i ndiir yô; mbakuran mba i tsume a i, ve yem a i sha iwo; i zende wue wue sha iwo man agungu, ijiir i tsan i i hungul i.

Esekiel 3:18

Aluer M kaa a iferor Mer, ú kpe kpee je, man ú kera wa nan kwagh ga, ú kera ôr kwagh, ú wa nan kwagh sha gbenda u nan u bo la sha u yiman uma u nan ga yô, iferor shon nana kpe ken ifer i nan, kpa awambe a nan yô, Me ker a her a we.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Mbaromanu 4:25

Ka Un u i ne Un ken ku sha ci u akaabo ase shi i nder Un kpaa sha ci u ishô yase ye.

Yakobu 5:20

fa nen, or u nan ker orsholibo sha gbenda u mtsum u nan la nan hidi a nan yô, nan dugh uma u nan ken ku kera shi nana cir asorabo kpishi.

1 Peteru 2:25

Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

Mbaajiriv 21:25

Sha ayange la tor lu ken Iserael ga; nahan hanma or gbaa eren kwagh sha ishima i nan tsô.