Yesaia 53:4 - ICIGHAN BIBILO

⁴ Mimi je, ka angev asev je A tee sha iyol Na ye, atsan ase kpaa A tôô a; kpa se yô, lu se er kwagh tser Un a tser je yô, man er Aôndo kpaa tsaha Un, shi A kighir Un a ican kpaa yô.

Yesaia 53:4 Iomraidhean Croise

Upasalmi 69:26

Gadia ve tôv un u U tsaha la, a ican, mba ôron kwagh u ishima i vihin i mba U gber ve avav la.

Upasalmi 69:27

Seer ve a seer ibo ve la, ve̱ de nyer ken perapera Wou ga.

Upasalmi 69:8

M hingir anmgbianev av er ka orvannya nahan, man ônov mba ngôm kpaa er orityôtyev nahan.

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Levitiku 16:10

Kpa kpev u ishor i gbe sha mi sha ci u Asasel la, a̱ ver un uma sha ishigh ki TER, sha u i̱ na iwom sha na, i̱ pase un a̱ yem ken toho sha ci u Asasel, ken desereti.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Numeri 7:15

gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

Numeri 7:45

gumbua môm, nomiyôngo môm, gumiyôngo u a kom inyom i môm yô, sha ci u nagh ku nanden;

Mateu 26:37

Tsô A kua a Peteru man ônov mba Sebedeu mba uhar mbala a Na imôngo, ishima hii u vihin Un, hingir Un ken ishima dang.

Mateu 8:17

sha er kwagh u profeti Yesaia lu kaa la, a̱ kure sha mi vough yô, er: Un iyol Na ngohol ukorkor asev, A tôô angev asev kpaa.

YOHANE 19:7

Mbayuda gema kaa a Na er: Se mba a tindi man sha tindi wase la yô, A kuma ku, sha ci u A veren iyol er Un ngu Wan u Aôndo je yô.

Mbaromanu 4:25

Ka Un u i ne Un ken ku sha ci u akaabo ase shi i nder Un kpaa sha ci u ishô yase ye.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

1 Yohane 2:2

Ka Un je A lu iwom i asorabo ase ye, man ka a ase tseegh ga, kpa ka a tar cii je.