Yesaia 53:11 - ICIGHAN BIBILO

¹¹ sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 53:11 Iomraidhean Croise

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 45:25

Ka ken TER tsombor u Iserael cii ua zua a perapera, ua ta ihagh kpaa ye.

Yesaia 49:3

man shi A kaa a mo er: U ngu Wanakiriki Wam, Iserael, U Me pase icivir Yam ken a we yô.

Yesaia 52:13

Nenge, á kpe Wanakiriki Wam iyol, á na Un icivir, á kende Un sha tsung je.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Yesaia 53:8

I tôô Un ken mkighir u sha ican kua ijirôron kera; man kov Na yô, ka anti je nan hen er i gber Un ken tar u mbaumav kera? Lu sha ci u atindi a peren a ior av, kwaghbo tser Un ye.

Daniel 12:3

Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

Luka 22:44

Tsô er A lu ken ican yum yô, A seer eren msen ishima i môm. Iusa Na gema hingir er ka aberawambe nahan, gba nôndon inya.

YOHANE 12:24

Mimi mimi je, M kaan ne ne, aluer ishangewua ia gba hen inya ia kpe ga yô, ia lu di her môm tsô; kpa aluer ia kpe yô, ia mar kpishi.

YOHANE 16:21

Shighe u kwase ka nana maren yô, ishima i vihi nan sha ci u shighe u nan a kom yô; kpa nana maren kera yô, nan kera umbur ican i nan la ga, sha ci u iember i i mar or shin tar ne yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

Mbaromanu 4:24

kpa ka sha ci wase kpaa, ka se mba á na se ishô la, se mba se ne Un u A nder Ter wase Yesu shin ku la jighjigh.

Mbaromanu 5:9

Nahan hegen yô, er i ne se ishô sha awambe Na yô, Una hemba yiman se sha iyugh cii.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbagalatia 4:19

Mbayev av, m shi m ngu toghor mar wen zan zan á va jile Kristu ken a ven.

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

1 Yohane 2:1

Mbayev av, akaa ne m ngu ngeren ne a sha u de kera eren nen isholibo ga yô. Aluer anti or nana er isholibo kpaa, se mba a Orwasen hen Ter, Yesu Kristu Orperapera.

2 Yohane 1:1

Ortamen ne ngu sughun icuwan shagbakwase man shi ônov nav kpaa, mba ve doom ishima mimi je, man kera ka mo tseegh ga, kpa ka ve cii mba ve fe mimi yô;

2 Yohane 1:3

Mrumun u sha mhôôn man mhôônom ma zungwen man bem mba ve dugh hen Aôndo Ter man shi hen Yesu Kristu, Wan u Ter, ve̱ lu sha a vese ken mimi man dooshima kpaa.