Yesaia 53:10 - ICIGHAN BIBILO

¹⁰ Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Yesaia 53:10 Iomraidhean Croise

Upasalmi 110:3

Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

Upasalmi 147:11

Mba ve cie TER yô, ve doo Un ishima, kua mba ve veren asema, ve keghen erdoo Na la.

Upasalmi 149:4

Gadia doo TER a ior Nav, Una wuha mbaasemaleghlegh iyol sha myom.

Upasalmi 21:4

A sôn U uma, U na un je; ka ayange a ngeen gbem sha won je.

Upasalmi 22:30

Tsombor u ken hemen ua civir Un; á va ôr kov u ken hemen kwagh u Ter.

Upasalmi 22:31

Vea va, vea pase perapera Na hen ikurior i á va mar i la, er ka Un A er ngun ye. Ka Pasalmi u Davidi

Upasalmi 69:26

Gadia ve tôv un u U tsaha la, a ican, mba ôron kwagh u ishima i vihin i mba U gber ve avav la.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 72:7

Sha ayange na yô, i̱ kpe orperapera iyol, man bem a̱ ngee zan zan uwer ua kera lu ga.

Upasalmi 89:29

Me er tsombor na ua lu gbem, ikônough nagh ki torough kpaa, kia lu er ayange a Sha yô.

Upasalmi 89:36

Tsombor na ua lu gbem, ikônough nagh ki torough kpaa kia lu sha ishigh Yagh er ka iyange yô;

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 46:10

u M pasen hii sha mhii zan zan mkur, man hii sha ayange a tsuaa la je, akaa a a lu a vande eren ga la; M kaa Mer: Awashima Wam una lu je, Me er kwagh u a doom ken ishima u eren la cii;

Yesaia 49:4

Kpa Mo M kaa Mer, M ya ican gbilin, M vihi agee Am gbilin dang tsô; nahan kpaa u kuren Mo ijir sha mimi yô, ka TER, injar Yam kpaa ngi hen Aôndo Wam.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Yesaia 54:3

Gadia ú samber ken iyan kua ken imese kpaa; ka vor wou je ua tema tor sha akuraior ye, agar a i hembe a kera kpaa, ú na ior vea tema ker.

Yesaia 61:9

Vor ve kpaa á fa u ken akuraior, man tsombor ve kpaa ken ior kpishi; mba vea nenge a ve cii, vea pase er, mban ka vor u Aôndo A ver u doo doo yô.

Yesaia 66:22

Gadia er Sha u he man tar u he, mba Me er ve la, vea lu sha ishigh Yagh gbem nahan, kape vor wen man iti yen vea lu gbem je la, kape TER A kaa la.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 32:41

Een, Me ember ve, Me eren a ve dedoo, Me môôr ve ken tar ne kpee sha ishima Yam cii man sha uma Wam cii kpaa.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Esekiel 37:25

Vea tema ken tar u M na wanakiriki Wam Yakob la, henpe uter enev lu tema la; vea tema ken u, ve kua ônov vev man ônov mba ônov vev, gbem sha won; wanakiriki Wam Davidi kpaa una tema tor sha a ve gbem sha won.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Numeri 7:15

gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Luka 1:33

Una lu tor ken ya u Yakob gbem sha won; tartor Na kpaa ua bee mayange ga.

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

YOHANE 12:24

Mimi mimi je, M kaan ne ne, aluer ishangewua ia gba hen inya ia kpe ga yô, ia lu di her môm tsô; kpa aluer ia kpe yô, ia mar kpishi.

YOHANE 13:32

Aluer Aôndo zua a icivir ken a Na yô, Aôndo Una na Un icivir fefa je.

Mbaromanu 6:9

Gadia se fa, er Kristu A nder shin mbakpenev yô, mayange Una kera kpe ku ga, ku kera ya tor sha a Na kpaa ga.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

Mbaromanu 8:8

Mba ve lu ken iyol la, kwagh ve una fatyô u doon Aôndo kpaa ga.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Mbaefese 1:5

A vande veren se sha u Una rumun se ye, se̱ lu ônov Nav ken Yesu Kristu, sha mwe u A wa ishima la ye,

Mbaefese 1:9

A pase se kwaghmyer u awashima Na u A wa ishima ken Kristu

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

2 Timoteu 1:11

Ka nahan man se lu eren msen sha ci wen gbem ye, sha er Aôndo A̱ nenge ne er ne kuma myer u i yila ne la man A̱ gema hanma isharen i sha kwagh u dedoo man hanma tom u sha jighjigh u nan sha agee, ve̱ lu vough,

Mbaheberu 2:13

Man shi: Mo yô, Me suur sha a Na. Man shi: Nenge, M ngun, kua ônov mba Aôndo A nem ne.

Mbaheberu 7:27

Un yô, kera gba Un u vanden van a nagh sha ci u asorabo a Na iyol Na use use man masen van a mi sha ci u nongoior la er uzegembaupristi mbala nahan ga. Gadia A er nahan kwa môm vough zum u A na nagh sha iyol Na la.

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

Mpase U Yohane 1:18

shi M ngu uma; lu M kpe, kpa nenge, shi M ngu uma gbem sha won, man M ngu a ishindan i kuugh man i Hade kpaa.