Yesaia 51:5 - ICIGHAN BIBILO

⁵ Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 51:5 Iomraidhean Croise

Upasalmi 110:6

Una ôr ijir her atô u akuraior, Una iv a a akomaior, Una her uityombaiorov sha tar wuee.

Upasalmi 67:4

Akuraior a̱ ember, a̱ wa icam i wuese, gadia U er ior ijir sha mimi, man U hemen akuraior a shin tar. Sela.

Upasalmi 85:9

Mimi je, myom Na ngu ikua ikua a mbacian Un, sha er iengem ma i lu ken tar wase yô.

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 24:15

Nahan yô, civir nen TER sha vegher u sha iwanger la; sha ityar i hen kpe u zegemnger, civir nen iti i TER, Aôndo u Iserael.

Yesaia 26:4

Suur nen sha TER gbem sha won; gadia TER AÔNDO ka vande u tsôron je.

Yesaia 33:2

TERE, zungwe se mhôônom; se mba keghen We; lu uwegh asegh hanma sev, myom wase kpaa sha shighe u ican.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 42:4

Una gba ikure ga, á sombo Un kpaa ga, zan zan Una kar veren ijirôron i mimi sha won, ityar i hen kpezegemnger kpaa ia kegh ityesen Na.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Yesaia 56:1

TER ngu kaan nahan er: Waan nen ijirôron iko, eren nen perapera; gadia myom Wam mgbôghom u van kua perapera Wam kpaa, sha u á pase un.

Yesaia 59:16

Shi A nenge or môm lu ga, kpiligh Un iyol er ma or u nan paase kwagh nan lu ga yô; ka sha ci u nahan man uwegh Nagh ku wase Un; perapera Na kpaa suwe Un.

Yesaia 60:9

Ityar i hen kpezegemnger ia keghem, utso mba Tarshishi kpaa vea hemen sha u tôôn ônov ou mba ken ica van a ve; mba van a azurfa ve kua zenaria ve a ve imôngo, sha ci u iti i TER, Aôndo wou man sha ci u Icighan u Iserael, gadia A civir we.

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Yesaia 63:5

M yenge, kpa ma or u wasen lu ga; kpiligh Mo iyol, kpa ma or u wan uwegh lu ga; tsô uwegh Agh wasem, iyugh Yam kpaa suwem.

Yoel 3:12

Akuraior a̱ mough, a̱ va hen pev u Yehoshafati; gadia ka keela Me za tema sha u ôron akuraior a a ningir a tser sha hanma ian la ijir ye.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Mateu 3:2

lu kaan er: Gema nen asema, gadia tartor u Sha mgbôghom ve.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

Mbaromanu 2:16

ka sha iyange i Aôndo Una ôr akaa a myer a ken ior la ijir ken Yesu Kristu sha ivangeli yam.

2 Mbakorinte 5:10

Gadia se cii sé va tile ken igbar sha ishigh ki ikônough ki ijirigh ki Kristu keng, sha er hanma or nana ngohol kwagh u nan lu eren ken iyol la shin a lu u doon shin a lu u bo kpaa.

Duteronomi 30:14

Kpa kwaghôron ngu ikua ikua a we je, ken zwa wou man ken ishima you sha er u̱ er sha mi yô.

1 Samuel 2:10

Mba ve hendan a TER yô, á her ve, Una dura Sha, sha a ve; TER Una ôr akighir a tar ijir, Una na tor Na agee kpaa, Una kende a korough ku or Na u i shigh un mkurem la, sha.