Yesaia 51:4 - ICIGHAN BIBILO

⁴ Ver nen ishima her a Mo, ne ior Av, ver nen ato her a Mo, we ikurior Yam; gadia ityesen ia due her a Mo, Me ver mimi Wam una hingir iwanger i akuraior.

Yesaia 51:4 Iomraidhean Croise

Upasalmi 106:5

sha er me nenge mkpeyol u uicuwan Ou, sha er me ember a nongo Wou ken msaanyol ve la, man me ta ihagh a dyako Wou imôngo yô.

Upasalmi 147:20

Akuraior agen cii, A er a i mô nahan ga, a fa ajiraôron a Na kpaa ga. Haleluya.

Upasalmi 33:12

Saan ior mba TER A lu Aôndo ve yô, iyol, ikurior i A tsough i sha u i̱ lu dyako Na la.

Upasalmi 50:7

Ver nen ato, ne ior Av, Me ôr kwagh, we Iserael, Me ta kwagh ken a we ga; Mo M ngu Aôndo, Aôndo wou je.

Upasalmi 78:1

Ne ior av, ver nen ato sha ityesen yam, kegh nen ato sha akaaôron a ken zwa wam ne.

Ekesodu 19:6

Ka ne né lum tartor u upristi kua icighanikurior ye. Ka akaa a ú za ôr Mbaiserael je ne.

Ekesodu 33:13

Ahegen yô, aluer a doo U a mo yô, ma U shi tesem igbenda You sha er me fa U yô; sha er i̱ doo U a mo yô; shi fa er ikurior ne i lu ior Ou yô.

Anzaakaa 6:23

Gadia tindi ka imenger je, ityesen kpaa ka iwanger, myange u sha mtsaha ka gbenda u uma je;

Yesaia 1:27

Á yima Shion sha ijirôron i mimi, kua mba ve gem ishima ken a na kpaa, á yima ve sha perapera.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yesaia 26:2

Bugh nen ihinda, ikurior i perapera i lun a jighjigh, i̱ nyôr.

Yesaia 26:8

Sha gbenda u ajiraôron a Ou kpaa, TERE, se lu keghen We. Iti You man m-umbur u umbur We la, sar uma wase tsung.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 42:21

Doo TER u kenden ityesen sha, hingir kwagh u icivirigh sha ci u perapera Na.

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yesaia 63:8

A kaa er: Ve, ka ior Av je, ka ônov mba vea er sha icugh ga; man A hingir Oryiman ve kpaa.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.

1 Mbakorinte 9:21

Mba ve lu sha atindi ga yô, m hingir ve er ka or u sha atindi ga yô, sha u me kôr mba ve lu sha atindi ga la, nahan kpaa m ngu or u sha atindi a Aôndo ga ze, m ngu sha atindi a Kristu.

Duteronomi 18:18

Me ver ve Profeti, Una due ken anmgbianev vev, er we nahan; Me na akaaôron Am ken zwa Na, Una ôr ve akaa cii a Me kaa Un yô.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.