Yesaia 51:3 - ICIGHAN BIBILO

³ Gadia TER sur Shion ishima, A sur atse a agar a na cii ishima, A gema desereti na hingir er ka Eden nahan, taaikôngo na kpaa er ka sule u TER yô; á zua a msaanyol kua iember her, ishughun kua imo i icam kpaa.

Yesaia 51:3 Iomraidhean Croise

Genese 13:10

Tsô Loti kende ashe, nenge gbulumaa u Yordan cii, lu a mngerem han han kpaa; er TER lu a tim Sodom man Gomora ga la, vegher u zan hen Soar la, lu er sule u TER yô, bee tar u Igipiti.

Upasalmi 85:8

Me ungwa kwagh u Aôndo TER Una kaa yô, gadia ôron Na kwagh u bem a ior Nav, man a ior mba i doo Un a ve la; kpa ve̱ de kera shi hilen ken ibume ga.

Yesaia 12:1

Sha iyange la ú kaa wer: Me wuese We, TERE, gadia shin er U yugh a mo, nahan kpaa iyugh You kar kera, man U ngu surun mo ishima.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 35:6

Tsô orkeer nana gba tsuwen er ashim nahan, man nombor u orkondoniker kpaa ua wa icam; gadia mngerem maa due shin inya ken taaikôngo kua uikuwanmbamngerev kpaa ken desereti.

Yesaia 41:16

Ú peer ve, ahumbe aa purugh a mi kera, hiar una sambe ve kera; kpa we yô, ú ember ken TER, ú ta ihagh sha Icighan u Iserael.

Yesaia 43:19

Nenge, eren Yam kwagh u he; una due hegen je, ne kera nenge a mi gaa? Me er gbenda ken desereti man uifi ken taaikôngo.

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Yesaia 49:13

Ember nen ne Usha; we tar, ember; ger nen atsam, ne iwo; gadia TER sur ior Nav ishima, A zungwe mba Nav mba ve ye ican la mhôônom.

Yesaia 49:19

Gadia atse a agar a ou man ajiir a ou a a hingir gbilin, man tar wou u i vihi u kera la, mimi je hegen á imbishi we sha ci u mngee u ior mba ve tem ken a we; man mba ve mena u la vea gba ica.

Yesaia 49:8

TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yesaia 51:12

Ka Mo, M surun ne ishima ye! Ka nyi man we u cie or u nana va kpe man wan u or u á gema nan á hingir er toho kpaa yôô?

Yesaia 52:9

Ger nen iember, wa nen icam imôngo, ne atse a ayou a ken Yerusalem ne, gadia TER sur ior Nav asema, A paa Yerusalem.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 65:18

Kpa lu nen saan saan, ember nen gbem sha kwagh u M lu gban yô; gadia, nenge, M ngu gban Yerusalem Mer, a̱ lu kwagh u iember, ior nav kpaa ve̱ lu saan saan.

Yeremia 31:25

M na uma u orvôron kundu un iyol, man hanma or u ishima i yen nan kpaa M taver nan ishima.

Esekiel 28:13

U lu ken Eden, sule u Aôndo, hanma iwen i injaa cir u iyol: sardiu man topashi man daimondi, beril man oniki man yasepi, safir emeraldi man karbunkel; agbende a varen a sha mi sha u haren we a iyol yô, lu a sha zenaria; iyange i i gba u la, i vande sôron a, i ver a ver.

Esekiel 36:11

Me na ior kua uzendenya vea ngee sha a ven, vea mar ônov vea ngee; shi Me na ne mbateman sha a ven er tsuaa nahan, man Me er a ven dedoo á hemba ayange a hiihii la; nahan man né fa er Mo M lu TER ye.

Esekiel 36:35

Nahan vea kaa er: Tar u u lu ice ne, gema hingir er sule u Eden nahan; man agar a alu atihi a lôgh man atse man i yôhôl a la, i maa a ugil, ior tema ker.

Yoel 2:3

Usu ngu hian zan ve ken hemen, ken ijime ve kpaa nomborusu ngu yeghen; tar ngu er sule u Eden nahan sha ishiv vev, ken ijime ve ka taaikôngo gbilin, ma kwagh war sha ikev ve ga.

1 Peteru 1:8

A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba.