Yesaia 51:1 - ICIGHAN BIBILO

¹ Ver nen ato her a Mo, ne mba ne ze a perapera ityô, ne mba ne keren TER; nenge nen sha vande u i tsehe ne ker yô, man shin ihungwa henpe i tim ne yô.

Yesaia 51:1 Iomraidhean Croise

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 15:4

kpa er ve hide hen TER, Aôndo u Iserael, ve ker Un zum u ican er ve la, ve zua a Na.

Upasalmi 24:6

Ungun ka kov u mba ve keren Un je la, mba ve keren ishigh You, We Aôndo u Yakob. Sela.

Upasalmi 94:15

Gadia ijirôron ia hide ken perapera; mba asema a ve a lu jighilii cii, vea za a i ityô.

Anzaakaa 15:9

Gbenda u iferor ka TER kwagh u ndôhôrshima je, kpa or u zan a perapera ityô yô, nan doo Un ishima.

Anzaakaa 21:21

Or u nan dondon sha perapera kua erdoo yô, nana zua a uma nan, perapera kua icivir.

Yesaia 45:19

M ôr kwagh ken myer, shin ken ma ijiir ken tar u imegh kpaa ga; M kaa a tsombor u Yakob Mer: Gba keren nen Mo gbilin tsô ga; Mo TER M er kwagh u perapera, M pasen akaa a a lu vough.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yesaia 48:12

Ver ato her a Mo, we Yakob, man Iserael u M yila u; ka Mo je ne; Mo M ngu u hiihii, shi M ngu u masetyô kpaa.

Yesaia 51:4

Ver nen ishima her a Mo, ne ior Av, ver nen ato her a Mo, we ikurior Yam; gadia ityesen ia due her a Mo, Me ver mimi Wam una hingir iwanger i akuraior.

Yesaia 51:7

Ver nen ato her a Mo ne mba ne fe perapera, ne ior mba atindi Am a lu ken asema a en yô; de cie nen mlaha u ior ga, ishima i̱ de nyian ne sha ci u ityuhwanev vev mbi tuhwan kpaa ga.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Yesaia 65:10

Sharon una hingir ijiir i akumauile yan toho her, man pev u Akor kpaa una lu ijiir i akumabua yaven her, sha ci u ior Av mba ve keren Mo yô.

Amoshi 5:6

Ker nen TER, nahan né lu uma; gayô, Una yegh er usu nahan ken ya u Yosev, u ua hia je or u pirin u sha ci u Betel nana lu ga;

Sefania 2:3

Ker nen TER, ne mbaasemaleghlegh mba sha tar cii, ne mba ne we atindi a Na iko; ker nen perapera, ker nen ishima i legh legh, tsô alaghga á yer ne sha iyange i iyugh i TER la.

Mateu 5:6

Saan mba ijen i ker ve, man imura kpaa, sha kwagh u perapera la iyol, gadia vea ide.

Mateu 6:33

Kpa vande keren nen tartor Na man perapera Na, man akaa ne cii á seer ne a ye.

Mbaromanu 10:3

Gadia ve fa perapera u a dugh her Aôndo la ga, mba keren u veren u ve ayol a ve. Perapera u Aôndo la yô, ve rumun un ga.

Mbaromanu 14:19

Nahan yô, se keren nen kwagh u nan bem man shi kwagh u se maan a maa ayol a ase sha mi.

Mbafilipi 3:13

Anmgbianev av, mo yô, m ngu henen mer m zua a mi hingir kwagh wam ve ga, kpa kwagh u m lu eren yô, ngu môm, akaa a ken ijime la hungul mo kera m ngu naregh zan sha akaa a ken hemen la.

1 Timoteu 6:11

Kpa we, or u Aôndo yô, yevese akaa ne, gema dondo perapera ityô kua u civir Aôndo man jighjigh u nan man dooshima man ishima i wan man ishima i legh legh kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:22

Nahan yevese asaren a sha inja i mbayevikaior la, gema dondo perapera ityô, man jighjigh u nan man dooshima man bem a mbala mba ve yer iti i Ter sha ishima i wang la imôngo.

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.