Yesaia 5:9 - ICIGHAN BIBILO

⁹ TER u akum a Sha kaa, sha ato am je, er: Mimi je, uya kpishi vea hingir atse, mba kehen kua mba dedoo kpaa, or á kera tema ken ve ga.

Yesaia 5:9 Iomraidhean Croise

2 Kroniku 36:21

sha u kwaghôron u TER u Yeremia lu ôr la, a̱ kure sha mi vough, zan zan tar la zua a mmem sha ayange a memen a u, gadia shighe u u hingir ice la yô, u mem zan zan anyom akunduatargber kar ivin.

Yobu 15:28

shi nan tema ken agar a a hingir atse, ayou a ma or ma nan tem ker ga, a i ver a er a̱ lu atse yô.

Yobu 20:21

Ma kwagh shi her u nan ye ga ze, ka nahan man mkpeyol u nan una tsa ga ye.

Anzaakaa 15:27

Or u nan ye mtsera u bo yô, ka nan nzughul a ya u nan, kpa or u nan vende inyaregh ki yamen ishô la yô, nana lu uma.

Yesaia 22:14

TER u akum a Sha A pase iyol Na sha ato am er: Mimi je, á paa ne sha ibo ne ga zan zan né kar kpen, kape Ter A kaa ne, TER u akum a Sha.

Yesaia 27:10

Gadia gar u lun a gir hingir gbilin, ka ijiir i teman i i mough her kera, i undu i er desereti nahan, wanbua una ya toho heregh je, ka her kpaa una yav ye, man una ya agbaa a na.

Yesaia 5:6

Me vihi u kera, á kera sôr u agbaa ga, á vughul u kpaa ga; kpa ua mende usaa kua sagher; Me ta abeen icin, á kera nôô ura sha u ga.

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.

Amoshi 5:11

Er ne ndyaren icanor man ne sav alakema na, ne maa ayou a sha awen a kuan, kpa tsan yen ker ga; ne kaha ishule i ikon i wain i dedoo, kpa man yen zar u i ga.

Amoshi 6:11

Gadia, nenge TER na zwa, nahan á ta sha zegeyou, á yôhôl un, man iyou i kiriki kpaa á hembe i avur avur.

Mateu 22:7

Nahan tor la yuwe, a tindi akumautya na a za tim mbawuanior mbala, a nande gar ve.

Mateu 23:38

Nenge ase, i undu ya wou, hingir ice.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.