Yesaia 5:8 - ICIGHAN BIBILO

⁸ Kwagh á tser mba ve seer ya sha ya ve, mba ve seer sule sha sule ve, je zan zan ma ijiir i kera shi ga, man ne mase teman hen atô u tar ne, ne tseegh.

Yesaia 5:8 Iomraidhean Croise

Yobu 15:28

shi nan tema ken agar a a hingir atse, ayou a ma or ma nan tem ker ga, a i ver a er a̱ lu atse yô.

Yobu 20:21

Ma kwagh shi her u nan ye ga ze, ka nahan man mkpeyol u nan una tsa ga ye.

Anzaakaa 15:27

Or u nan ye mtsera u bo yô, ka nan nzughul a ya u nan, kpa or u nan vende inyaregh ki yamen ishô la yô, nana lu uma.

Esekiel 11:15

We wan u or, ka anmgbianev ou, anmgbianev ou je, ityô you man ya u Iserael cii, ve cii, ka ve je man mba ve tem ken Yerusalem ve kaa a ve er: Mough yem nen ca a TER; ka se i ne se tar ne er u̱ lu u wase ye.

Esekiel 33:24

Wan u or, ve mba ve tem ken uya mba i yôhôl ve kera ken tar u Iserael la, mba kaan er: Aberaham lu or môm tsô, man a ya dyako u tar ne; man se yô, se mba kpishi, i na se tar ne, u hingir se dyako.

Amoshi 1:13

TER ngu kaan nahan er: Sha ci u atindi a peren atar a Mbaamon, een, sha ci u anyiin je yô, Me kera hide a mtsaha ve ijime ga, gadia ve pav kasev mba Gileadi mba ve lu iyav la iyav sha u vea seer tar ve u̱ kehe;

Mika 2:1

Kwagh á tser mba ve henen iferkwagh man ve we ago iyol u eren kwagh u bo sha ugambe vev la! Er sev a av yô, ve kure kwagh la kpaa, sha ci u a lu ken tahav mbu ave ve yô.

Mika 2:2

Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Habaku 2:6

Mban cii vea ver ishor sha a na gaa, man vea wa un asôngo gaa, man injakwaghôron er: Kwagh á tser un u a kohol akaa a a lu a na ga ne— ka zan zan hanma shighe je?—man a kange ikav iyol sha akaa a ityungugh.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.