Yesaia 5:23 - ICIGHAN BIBILO

²³ mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Yesaia 5:23 Iomraidhean Croise

1 Utor 21:13

Tsô ior ihiar, agbilinaior, ve nyôr ve tema sha ishigh nagh; ve agbilinaior la, ve gba eren shiada sha a na, ka sha Naboti je la, sha ishigh ki iorough, ve kaa er: Naboti tuhwa Aôndo kua tor. Tsô maa ve due a na ken won ken akôngo a gar, ve za ta un awen, a kpe.

2 Kroniku 19:7

Yô, mciem ma cian TER ma lu sha a ven; ver nen ishima er nen nahan; gadia ma ifer ngi hen TER, Aôndo wase, man msange u sha dooshima kpaa ga, man u ngohol inyaregh ki yamen ishô kpaa ga.

Upasalmi 94:21

Ve zua sha u tan num sha uma u orperapera, ve na orishôôgh ibo.

Anzaakaa 17:15

Or u nan ne iferor ishô, man or u nan ne orperapera ibo yô, ve uhar cii mba kwagh u ndôhôr TER ishima.

Anzaakaa 17:23

Iferor yô, ka nan ngohol inyaregh ki yamen ishô ken myer, sha u nana za vihi igbenda i ijirigh yô.

Anzaakaa 24:24

Or u nan kaa a iferor er: U ngu a ishô yô, ior vea tuhwa nan, akuraior kpaa aa wa nan ifan,

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 10:1

Kwagh á tser mba ve we atindi a ifer, kua mbangeren mba ve nger akaavihin,

Yesaia 10:2

sha u mgbeghan mbaibanave sha ijirôron kera, man sha u ngohol ian i mbaatsanev mba ken ior Av la kera, sha u kasev mba côgholov ve̱ hingir ishar ve, man sha u ve̱ gema ve̱ sar ancôgholov kpaa!

Yesaia 28:7

Mban kpaa ve hingir mee sha zar u wain man zemba ze zemba sha msôrom ma yuwan; pristi kua profeti ve hingir mee sha msôrom ma yuwan, wain nzughul a ve, ve hingir zemba ze zemba sha msôrom ma yuwan; mpase u sha mnenge kera wanger ve ga, mba nôngon gbev sha ijirôron.

Yesaia 29:21

ve mba ve ne or ibo sha ishember kwagh i kwaghôron, man ve hôn to sha u kôron u a tem hen hundagar sha u ôron ijir sha mimi la, man ve mgbegha orperapera kera sha gbilinkwagh.

Yesaia 32:7

Ayom a oratsereghegh kpaa ka a vihin tsô, ka nan henen udangmbaakaav sha u timin atsanaior sha akaaôron a aiegh, sha shighe u oribanave a lu ôron sha mimi kpaa la.

Yesaia 59:15

Een, mimi ngu ga; or u nan kem iyol sha ifer yô, mba ngohol nan akaa sha apera. Tsô TER nenge, vihi Un er kwagh u jighilii a lu ga yô,

Amoshi 5:12

Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Mateu 23:35

sha u awambe a mbaperapera a i haa a inya shin tar cii a̱ hide sha ityouv yenev yô, hii sha awambe a Abel, or u perapera, zan zan ar sha awambe a Sekaria, wan u Barakia, u ne wua un hen harga u tempel a atse a nanden nagh sha mi la.

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

Yakobu 5:6

Ne gba kuren kwagh u orperapera dang tsô ne wua un je, kera ngu hendan a ven ga.