Yesaia 5:2 - ICIGHAN BIBILO

² a kaha u, a sange awen ken u kera, a lôô ikon i wain i hemban doon cii ker, a maa gôgôyou u taven her atô u u, man a time ihungwa i shoghol wain shimi, A ver ishima er ua ume atam a wain a dedoo, kpa u gema u ume atam a bo.

Yesaia 5:2 Iomraidhean Croise

2 Samuel 7:10

Shi Me ver ijiir sha ci u ior Av Iserael, Me môôr ve, sha u ve̱ tema hen ijiir ve ayol a ve, á kera num ve ga; ônov mba aferev kpaa vea kera za ve iyol er tsuaa la nahan ga,

Nehemia 13:15

Sha ayange la je, m nenge ior mbagenev ken Yuda mba ve lu shoghol atam a wain ken ahungwa sha iyange i memen, shi ve lu nyôron a aile a alakema ve penda a sha ujaki, kua wain man atam a wain man a tur man hanma injauika kpaa, ve va a mi ken Yerusalem sha iyange i memen; nahan m pase ve ibo ve sha iyange i ve lu teen kwaghyan la.

Upasalmi 80:8

U due a kon u wain ken Igipiti, U va a mi, U zenda akuraior kera, U gema U môôr u,

Upasalmi 80:9

U sôr u ijiir; u ta amise gbang gbang, u iv tar la;

Ekesodu 33:16

Gadia ka sha nyi je man á fa er i doo U a mo kua ior Ou mbana? Kera ka sha mze u Ú za a vese imôngo la gaa? Ka nahan man mo kua ior Ou se lu kposo a ior mba ve lu sha won cii ye.

Yesaia 1:8

Man i undu wankwase u Shion er ka ityumbe i ken sule u wain yô, man shi er daarkura u ken sule yô, man shi er gar u ityav mbi kase un mbi tser yô.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yeremia 11:17

Gadia TER u akum a Sha u A môôr we, A ter er Una haa u kwaghbo iyol sha ci u iferkwagh i ya u Iserael man i ya u Yuda kpaa, i ve er sha u bamen Mo, sha u nanden Baal nagh la.

Yeremia 2:21

Nahan kpaa, Mo M môôr we er kon u wain u injaa, ivor i mimi; man ka nyi u gem u hingir Mo agbaa a bo a kon u wain ugen nahana?

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Mika 4:8

Uwe, gôgôyou u taven u ikumuile, igungu u wankwase u Shion, ka her a we ua va ye, een, tartor u tsuaa la ua va, ka tartor u wankwase u Yerusalem je la.

Numeri 23:9

Gadia er m til sha ityough ki avande yô, m nenge a na; er m til sha agungu yô, m kav un; nenge, ka ikurior i teman tseke ve, mba nongo a akuraior agen ga.

Mateu 21:19

Nengen a itine i tur sha kpegbenda yô, A za hen i kpa A zua a ma ityamegh sha mi ga saa ika tseegh; A kaa a i er: Mayange ú kera ume atam sha won ga. Tsô kon la maa uma gyoghokoko.

Mateu 21:33

Ungwa nen injakwagh igen ne: Orya ugen er sule u wain, wa u gar, time ihungwa i shoghol wain ker, shi maa gôgôyou u taven sha sha u kuran u kpaa, tsô a gema u a na sha ikev i mbashirensule sha tôndo, maa a mough a yem tar ugen.

Mateu 21:34

Shighe u atam a wain la kom yô, a tindi mbayev nav hen mbashirensule mbala, er ve̱ za ngohol un atam a wain.

Marku 11:13

Nengen a itinetur a ika sha mi yô, A za er, shin alaghga Una zua a atam sha miou? Ar heregh yô, A zua a ma ityamegh sha mi ga, saa ika tseegh; gadia lu shighe u tur umen ga.

Marku 12:1

Tsô A hii u ôron kwagh a ve sha anzaakaa er: Orgen er sule u wain, kase u gar shi time ihungwa i shoghol wain ker, shi maa gôgôyou u taven sha sha u kuran u kpaa; tsô a gema u, a wa sha ikev i mbashiren sule sha tôndo, a yem tar ugen.

Marku 12:2

Shighe kom yô, a tindi ortom hen mbashiren sule mbala er, a̱ za ngohol kwar u atam a wain hen ve.

Mbaromanu 9:4

Ve yô, ka Mbaiserael, ka ve ve lu a mlu u uôn man iengem man uikurmbayan man atindi a i na la, man tom u civir Aôndo man uityendezwa kpaa ye.

1 Mbakorinte 9:7

Ka an nana nyôr tom u nôngon ityav man shi nana koson iyol i nana? Ka an nana er sule u wain man nana kera ya atam a u ga? Ka an nana kura ilev man nana kera ma atumba a mbi ga ase?

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Mbaajiriv 16:4

Tsô ken masetyô la kwase ugen shi doo un ishima hen pev u Soreki, iti na er Delila.