Yesaia 5:18 - ICIGHAN BIBILO

¹⁸ Kwagh á tser mba ve udugh ifer sha ikor i aiegh man isholibo kpaa er ka sha kor u ikyekye i kpelan yô;

Yesaia 5:18 Iomraidhean Croise

Upasalmi 10:11

Ken ishima na yô, ngu a kaa er: Hungul Aôndo ve, A yer ishigh Nagh, Una nenge a min mayange ga.

Upasalmi 14:1

Ibumeor ka nan kaa ken ishima i nan er: Aôndo ngu ga; ve er akaadang a ndôhôrshima; mô u eren dedoo nan ngu ga.

Upasalmi 36:2

gadia ka nan bumen iyol i nan sha u kaan er, ifer i nan ia due, ia hingir kwagh u ndôhôrshima ga.

Anzaakaa 4:17

Gadia ka kwaghyan u ifer ve ye ye, mba me wain u aperagh.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yeremia 23:10

Gadia tar ne iv a udyambaiorov; ifan gema na tar mzungu; ajiir a yan toho a ken taaikôngo uma cii; kwagh u ve ze her ayem yô, saa ka u bo; gbenda u ve keren tahav a mi yô, ka u mimi ga.

Yeremia 23:14

Kpa ken uprofeti mba Yerusalem yô, M nenge a kwagh u ndôhôrshima; ka ve er idya, ve zenden sha aie, ve taver ave a mbaerenifer, je ma or môm u geman undun ifer i nan nan ngu ga; ve cii ve hingir Mo er Sodom nahan, man mba ve tem ken a na er Gomora yô.

Yeremia 23:24

Ma or nana fatyô u za yeren ken ajiir a ken iuv je er Mo Me nenge a nan ga yôô? Kape TER a kaa ne. M iv Sha man tar gaa? Kape TER A kaa ne.

Yeremia 36:23

Tsô Yehudi una ôr ityange i ruamabera itiar shin inyiin yô, tor a tôndo i sha ihô a gema a gbihi sha usu u shin icenge la, zan zan ihurenruamabera la hia cii sha usu u shin icenge la.

Yeremia 5:31

uprofeti mba ôron kwagh sha aie, upristi kpaa mba eren tahav sha ityesen ve, ior Av kpaa doo ve er i lu nahan; tsô nea er nan sha mkuru?

Esekiel 13:22

Sha ci u ne vihi ishima i mbaperapera sha aie, mba M vihi ve asema ga, man ne taver ave a iferor, sha er nana̱ de kera hiden ijime sha gbenda u nan u bo, nana̱ war ga.

Sefania 1:12

Tsô hen shighe la Me ker Yerusalem a amenger; man Me tsaha ior mba ve tse a akase a ve her la, mba ve kaan ken asema ve er: TER Una er kwagh u dedoo ga, shin u bo kpaa ga, la.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

Aerenakaa A Mbaapostoli 26:9

Mimi je, mo iyol yam m hen ken ishima mer: ka u me er akaa kpishi a vihin iti i Yesu Ornasareti ne keng.

Mbaajiriv 17:13

Nahan Mika kaa er: Hegen yô, m fa TER Una verem dedoo, sha er Orlevi a lu pristi wam yô.

Mbaajiriv 17:5

Un Mika lu a iyou i civir Aôndo ker, nahan a er efodi man terafim shi a tsegha wan na môm er a̱ lu pristi na.