Yesaia 5:13 - ICIGHAN BIBILO

¹³ Ka nahan man ior Av ve lu nyôron ken uikangen ye, sha ci u mfe a ban yô; ashagbaior a ve hingir mbajenev, man ikpilaior ve ngi kpen imura.

Yesaia 5:13 Iomraidhean Croise

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

Anzaakaa 10:21

Ityumbuzwaagh i mbaperapera ngi koson ior kpishi, kpa abumeaior yô, nga kpe sha ci u mban u mkav.

Yesaia 1:3

Bua fa or na, jaki kpaa fa kpese u ter u i, kpa Iserael yô, fa ga, ior Av mba henen kwagh ken ishima ga.

Yesaia 1:7

Tar wen hingir toho; agar a en, i nande a sha usu; ishule yen kpaa, ior mba tar ugen mba yan i sha ishigh yenegh je; i hingir toho, bee er ior mba tar ugen ve vihi u kera cii nahan.

Yesaia 23:9

TER u akum a Sha, ka Un A we ishima sha u vihin iyolgengese i icivir la cii, sha u heen mbaciviriv mba sha won cii ye.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 3:1

Gadia nenge, Ter, TER u akum a Sha, ngu ngohol Yerusalem man Yuda ishuwen kua ishuur kera, ishuwen u bredi cii, kua ishuwen u mnger cii,

Yesaia 3:3

torshoja u nengen sha ior akunduahargber man orcivirigh, orwasen sha kwaghhenen man orfaneev kua orfan ahir a eren.

Yesaia 44:19

Mô môm kpaa nan kera hen ken ishima i nan ga, kwaghfan ngu ga, shin mkav kpaa u vea kaa er: Tiôn na ugen m keer usu a min, m kaa bredi sha aka na kpaa, man m mgbagh inyam, m ya; nahan m tôô tiôn na u a shi la, m̱ er kwagh u ndôhôrshima a mini? m̱ gule m̱ civir tiônkono?

Yesaia 49:21

Nahan ú kaa ken ishima you wer: Ka an nan marem mbana, gadia i vande kuran mo mbayev kera, m hingir gbilin man orkwar, or u i gbihi nan kera? Ka an nan koso mbana? Nenge, i undum tswen; mban yô, ve lu hana?

Yesaia 65:13

Nahan yô, Ter AÔNDO ngu kaan nahan er: Nenge, mbayev Av vea ya kwagh, kpa ne yô, nea lu ijen; nenge, mbayev Av vea ma kwagh, kpa ne yô, nea lu imura; nenge, mbayev Av Vea ember, kpa ne yô, kunya ua kôr ne;

Yeremia 14:18

Ka mea za ken toho, nenge, mba i woo sha sanker mban! Mea hide ken gar kpaa, nenge, mba ve gbe ijen mban! Profeti kua pristi je kpaa mba zenden sha tar tsô, ve hingir tumbuluu.

Yeremia 14:3

Ashagbaior a ve tindi mbayev vev shin mnger; ve va hen azôr, kpa ve zua a mngerem ga, ve hide a ikav vev gbilin; ve va ahenge, kunya kôr ve, ve yisa ityough vev.

Yeremia 8:7

Ôô-ôô u sha aôndo je kpaa, fa ashighe na; man atii man gbargbar man hulô mba we iko sha shighe u mve ve, kpa ior Av yô, ve fa tindi u TER ga.

Ukwelegh 4:9

Guda mba i woo ve sha sanker, a mba ijen i woo ve la, mba ve use, i kuma ve due kera, sha ci u mban u iyiav mbi ken sule yô.

Esekiel 7:12

Shighe va ve, iyange mgbôghom, or u yamen a̱ de ember ga, man or u teen kpaa a̱ de zungu ga, gadia iyugh ngi sha ikpelaior ve cii.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Amoshi 8:13

Sha iyange la anuunaukase a doon ashe man mbayevikaior vea hume sha ci u imura.

Luka 19:44

Vea kôr u vea ta inya a ônov ou keregh; iwen i môm tsô kpaa vea undu sha igen ken a we ga; sha ci u u kav shighe u Aôndo A ve sha u va sôron we ne ga.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

2 Peteru 3:5

Kwagh ne hungul ve sha apera er sha imo i Aôndo yô, Usha lu tsuaa je kua tar kpaa u u dugh shin mnger man i er u sha mnger kpaa.