Yesaia 49:8 - ICIGHAN BIBILO

⁸ TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yesaia 49:8 Iomraidhean Croise

2 Samuel 7:13

Ka un una maa iyou sha ci u iti Yam ye, Mo kpaa Me ver ikônough nagh ki torough kia lu gbem.

Upasalmi 2:8

Sônom, yô, Me na U akuraior, a̱ hingir dyako Wou, man akighir a tar kpaa, a̱ hingir kwagh Wou je.

Upasalmi 69:13

Kpa mo yô, msen wam ngu her a We, TERE; sha shighe u doon We la, Aôndo, ungwam sha erdoo Wou u ngeen yum man sha mimi u myom Wou la.

Upasalmi 75:3

Shin er tar kua mba ve lu sha u cii, vea kpegher kpaa, ka Mo M tim u mtôm ye. Sela.

Yesaia 26:3

Ishima i tiaver i geman kposo ga la, Ú kura i, ia lu bem bem, gadia ngi suur sha a We.

Yesaia 27:3

Mo TER, M ngu kuran u; Me urun u hanma shighe; sha u ma or môm nana̱ de vihin u ga yô, Me kuran u tugh kua tetan.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Yesaia 49:19

Gadia atse a agar a ou man ajiir a ou a a hingir gbilin, man tar wou u i vihi u kera la, mimi je hegen á imbishi we sha ci u mngee u ior mba ve tem ken a we; man mba ve mena u la vea gba ica.

Yesaia 51:16

M ver akaaôron a Am ken zwa wou, M yer u ken mure u ikevwe Yam; M samber Usha, M tim imagh ki taregh, M kaa a Shion kpaa Mer: Ne mba ior Av je.

Yesaia 51:3

Gadia TER sur Shion ishima, A sur atse a agar a na cii ishima, A gema desereti na hingir er ka Eden nahan, taaikôngo na kpaa er ka sule u TER yô; á zua a msaanyol kua iember her, ishughun kua imo i icam kpaa.

Yesaia 54:3

Gadia ú samber ken iyan kua ken imese kpaa; ka vor wou je ua tema tor sha akuraior ye, agar a i hembe a kera kpaa, ú na ior vea tema ker.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Yesaia 57:13

Zum u u vaa yô, mba u kohol ve la, ve̱ yima u ase; kpa ahumbe aa kura ve kera, iôôn ia kar a mi kera cii; kpa u nan suur sha a Mo yô, nana ya dyako u tar la, shi nana ya dyako u icighanwo Wam kpaa.

Yesaia 58:12

Mba ou vea hile á maa agar a ngise i yôhôl la; amagh a ikov i ngise la ú shi ú maa a heregh; á yila u er: Orsôron ukpekpe mba hemben, ornderen igbenda i gar sha ci u teman her.

Yesaia 58:5

Ka imbakwaghyan i hôron i M tsough la ha? Iyange i or nana er uma u nan ican, je nana wa ityough inya er ikenaika nahan, man nana tar abaasôhô man mtwem hingir gambe u nana? Ka kwagh u u yer wer, kwaghyan u hôron man iyange i doon TER ishima je nee?

Yesaia 61:2

Shi M̱ yôô inyom i erdoo u TER, man iyange i iyevoron i Aôndo wase; man mba ve zungu cii, M̱ sur ve asema.

Yesaia 61:4

Vea maa ayou a i vihi a ngise hingir atse la, vea hide á kor ajiir a ngise i yôhôl a la, vea sôr agar a i yôhôl a, a a lu atse ikov kar imôngo la.

Yesaia 65:9

Me er tsombor ua due ken Yakob, man ken Yuda kpaa, or u yan dyako u iwo Yam; uicuwan Av vea ngohol i man mbayev Av vea tema ker.

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

2 Mbakorinte 6:2

Gadia ngu kaan er: Ka sha shighe u a doo la M ver ato we, sha iyange i myom la kpaa M wase u. Nenge, ka hegen je i lu shighe u doon ye, nenge ka hegen i lu iyange i myom kpaa ye.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Mbaheberu 12:24

man shi Yesu, Orhimen u ikuryan i he, man awambe a mishin a a hembe ôron kwagh u doon a a Abel la.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

Mbaheberu 8:6

Kpa hegen yô, Kristu ngohol tom u hemban doon di er A lu Orhimen u ikuryan i hemban doon kpaa, gadia i ya i sha uityendezwa mba ve hembe doon yô.