Yesaia 49:7 - ICIGHAN BIBILO

⁷ TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Yesaia 49:7 Iomraidhean Croise

Genese 27:29

Ior ve̱ shiren we tom, akuraior kpaa, a̱ gure u inya. Lu ityough sha anmgbianev ou, ônov mba ngôu, ve̱ gure u inya. Hanma or u nana wa u ifan yô, ifan i̱ kôr nan; hanma or u nana ver u doo doo yô nana̱ lu a iveren.

Upasalmi 47:9

Mbatarev mba iorov kohol hingir ior i Aôndo u Aberaham; gadia iperutya i tar ka i Aôndo je; i kende Un sha kpishi je. Ka Icam. Ka Pasalmi u ônov mba Kora

Upasalmi 68:31

Ashagbaior aa due ken Igipiti; Etiopia una naregh ave hen Aôndo fefa.

Upasalmi 69:19

We U fa ilyahan yam, man kunya wam, man iheen yam; mbaahendanev av cii, mba sha ishigh You.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 19:21

TER una pase iyol Na hen Igipiti, man Mbaigipiti vea fa TER sha iyange la; een, vea civir Un sha nagh ku sôngon kua iwua kpaa, vea tsegha zwa a TER, vea er sha mi kpaa.

Yesaia 19:23

Sha iyange la kômgbenda una due ken Igipiti u zan Ashiria; Orashiria nana nyôr ken Igipiti man Origipiti kpaa nana nyôr ken Ashiria; Mbaigipiti vea civir Aôndo a Mbaashiria imôngo.

Yesaia 27:13

Sha iyange la, á tôngo zegeikpamkor, tsô mba ve saa ken tar u Ashiria vea va, kua mba i zende ve kera ve yem ken tar u Igipiti la, vea va civir TER sha icighanwo, ken Yerusalem.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yesaia 48:7

I gba a hegen, ka ngise ga; er i lu a kuma sha iyange ngin ga yô, u vande ungwan kwagh u a je ga; sha u we de va kaan wer: Nenge, m vande fan a, ga.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 50:6

M gema ijime Yam M na mbagbidyen, ahenge Am kpaa M na mbagbelanice; M yer ishigh Yagh kera sha u cian kunya kua azer a haan ga.

Yesaia 52:15

kape Una cier akuraior iyol kpishi la; utor vea kusu ijô ve sha ci Na, gadia kwagh u i lu a kaa ve ga je, vea nenge, kwagh u ve lu a ungwa ga kpaa, vea kav un.

Yesaia 53:3

I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.

Yesaia 60:10

Ior mba ken iniongo igen vea maa ugilgar ou, man utor vev vea er u tom; gadia sha ishima i nyoon Yam M gbidye u, kpa sha erdoo Wam M zungu u mhôônom.

Yesaia 60:16

Ú ma atumba a akuraior, man shi ú ambe atumba a utor, man ú fa er Mo TER, M lu Oryiman wou man Orpaan wou kpaa, Uageegh u Yakob.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Yesaia 66:23

Tsô hii sha uwer u he ne zan zan ar sha uwer u he ugen, man hii sha iyange i memen ne zan zan ar sha iyange i memen igen, uuma cii vea va gure sha ishigh Yagh, kape TER A kaa la.

Sekaria 11:8

Tsô m wua mbakuranilev utar ken uwer môm; gadia m kera fatyô u wan ishima a ve ga, ve di kpaa m due ve ishima.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

Mateu 26:67

Tsô ve ta Un azer sha ishi, shi ve ta Un azu kpaa; mbagenev ta Un sambe.

Luka 22:27

Gadia ka an nan hembe iciviri, ka or u teman a tema hen kwaghyan, shinii, ka or u duen a due a iwere? Kera ka u a tem hen kwaghyan la gaa? Kpa Mo M ngu her atô wen er or u duen a iwer nahan.

Luka 23:18

Kpa ve cii ve genger imo zwa môm er: Yem a or ne kera, pase se Baraba;

Luka 23:23

Kpa ve gba taver imo a ishima i môm genger genger er, i̱ mande Un sha terankon; maa amo ve zever cii.

Luka 23:35

Ior tile, lu kenger. Mbavesen kpaa gba nahan Un tar, kaan er: A yima mbagenev, yô, aluer Una lu Kristu, icuwan u Aôndo je yô, de, A̱ yima ase iyol Na!

YOHANE 18:40

Tsô ve shi ve gba geren imo, kaan er: Or ne ga, i̱ lu Baraba! Baraba yô, lu or u numun gbenda.

YOHANE 19:15

Kpa ve genger imo er: I̱ yem a Na kera, i̱ yem a Na kera. I̱ za mande Un sha terankon. Pilatu kaa a ve er: M̱ mande Tor wen sha terankono? Upristi mba tamen gema kaa er: Se mba a tor ga, saa di Shisar tsô.

YOHANE 19:6

Nahan upristi mba tamen man udugwer mba nengen a Na yô, ve gba genger imo kaan er: I̱ mande Un sha terankon, i̱ mande Un sha terankon. Pilatu kaa a ve er: Kôr nen Un ayol a en, za mande nen sha terankon, gadia mo m zua Un a kwaghbo ga.

1 Mbakorinte 1:9

Aôndo ka u jighjigh, A yila ne u lun ken mzough vea Wan Na Yesu Kristu Ter wase.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,

1 Peteru 2:4

Va nen hen a Na, Wen u A lu iwen i i lu uma i ior yô, ve venda i, kpa hen Aôndo yô, gema ka icuwan man shi i injaa kpaa.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 3:7

Nger hen ortyom u nongo u Kristu u hen Filadelfia wer: Un u A lu icighan, A lu u mimi, u A lu a ishindan i Davidi la, Una bugh yô, ma or nana kera senda ga, Una senda yô, ma or nana kera bugh ga la, ngu ôron akaa ne nahan er: