Yesaia 49:4 - ICIGHAN BIBILO

⁴ Kpa Mo M kaa Mer, M ya ican gbilin, M vihi agee Am gbilin dang tsô; nahan kpaa u kuren Mo ijir sha mimi yô, ka TER, injar Yam kpaa ngi hen Aôndo Wam.

Yesaia 49:4 Iomraidhean Croise

1 Utor 19:10

A kaa er: Ishima tseem tsung sha kwagh u TER, Aôndo u akum a Sha; gadia Mbaiserael undu ikuryan You, ve vihi atse a Ou a nanden nagh sha mi, shi ve wua uprofeti Ou sha sanker; mo m mase shin tswen; man shi mba keren mo a ku kpaa.

Anzaakaa 29:26

Ior kpishi mba nenge u doon a ortaregh, kpa ijir i or yô, ka hen TER i dugh ye.

Yesaia 25:1

TERE, ka We, U lu Aôndo wam ye; me kende U sha, me wuese iti You; gadia U er akaakpilighyol, ka mbamhen mba tsuaa je, sha mimi kua jighjigh.

Yesaia 35:4

Kaa nen a mba ve lu a ishima i cian kwagh yum la, ner: Taver nen, de cie nen ga; nenge, Aôndo wen Una va a iyevoron; man mtsaha u Aôndo; Una va á va yima ne.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 40:27

We Yakob, ka nyi u kaan nahan, man we Iserael, u er kwagh u kaa wer: Gbenda wam ngu myer hen TER; man u kuren mo ijir sha mimi kpaa, Aôndo wa iko sha mi ga ase?

Yesaia 57:21

Ma bem kera ngu sha ci u aferaior ga, kape Aôndo wam A kaa la.

Yesaia 59:18

Er aeren a ve a lu la, kape Una kimbi ve je la: ishimanyoon sha mbaahendanev Nav, iyevoron sha mbaihomov Nav; Una or iyev sha ityar i hen kpe u zegemnger la.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Yesaia 65:23

Vea kera er tom gbilin ga, vea kera mar ônov sha ci u ve̱ tim kera kpaa ga; gadia ve ka vor u mba TER A ver ve doo doo la, kua tsombor ve a ve imôngo kpaa.

Esekiel 3:19

Kpa aluer ú wa iferor kwagh, kpa nan gema nan undu ifer i nan man gbenda u nan u bo la ga yô, nana kpe ken ifer i nan; kpa we yô, u yima uma wou.

Levitiku 26:20

né vihin agee a en gbilin; gadia inya yen ia doon iyiagh ga, ikon i hen tar la kpaa, ia umen atam a i ga.

Mateu 17:17

Yesu gema kaa er: Kpash! Kov u lun a jighjigh u nan ga, u lun geseghee ne, mase shin ayange a me je man Me wa ishima a vene? Va nen a na her a Mo.

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Luka 24:26

Kera lu u Kristu Una ya atsan ne cii keng, man Una nyôr ken icivir Na ye gaa?

YOHANE 1:11

A va hen ya Na kpa ior Nav rumun Un ga.

Mbaromanu 10:21

Kpa sha kwagh u Iserael yô, a kaa er: M shi dughun ave didi hen nongoior u hemban ato u nyiman kwagh.

2 Mbakorinte 12:15

Mo yô, me vihi akaa a am saan saan shi me na nagh sha iyol yam kpaa sha ci u uuma enev. Er ne doom ishima yum, nahan mo m gema m pande a pande doon nee?

2 Mbakorinte 2:15

Gadia se mba ihuma i doon i Kristu sha ci u Aôndo hen mba i lu yiman ve la man shi hen mba ve lu timin la kpaa.

Mbagalatia 4:11

M ngu cian mer, alaghga m er tom ker a ven, lu gbilin tsô.

Mbafilipi 2:16

né taan iwanger ken ve er asan a wanger nahan; kusu nen kwaghôron u uma la gbang gbang, i̱ lum kwagh u tan ihagh a mi sha iyange i Kristu, sha u zende wam u̱ de lu u gbilinigh ga, tom wam u sha gbashima la kpaa, u̱ de lu u gbilinigh ga.

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.