Yesaia 49:2 - ICIGHAN BIBILO

² A er zwa Wam hingir er sanker u esen nahan, A yerem ken mure u ikevwe Na; A gemam M hingir ivaan i horon, A kosom ken gbande Na;

Yesaia 49:2 Iomraidhean Croise

Upasalmi 91:1

Or u nan tem ken ijiir i yeren i Uhembansha yô, nana tsa ken mure u Uhembanagee cii.

Ekesodu 33:22

tsô zum u iengem Yam ia va karen yô, Me wa u ken kwe u vande, Me cir uwegh Agh sha a we zan zan Me kar karen;

Yesaia 11:4

kpa ka sha perapera Una ôr ijir i mbaatsanev ye; man shi Una kure kwagh sha mi vough a mbalun asema legh legh shin tar; Una tsaha tar sha kwagir u ken zwa Na; man sha iôôn i ken zwa Na la, Una wua mbaaferev.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Yesaia 50:4

Ter AÔNDO nam nombor u ior mba henen kwagh, sha u Me fa er Me suwe wen u a ver la, sha kwaghôron yô. Hanma sev ka A nderem, ka A bughum ato er M̱ ungwa er ior mba henen kwagh nahan.

Yesaia 51:16

M ver akaaôron a Am ken zwa wou, M yer u ken mure u ikevwe Yam; M samber Usha, M tim imagh ki taregh, M kaa a Shion kpaa Mer: Ne mba ior Av je.

Yeremia 1:18

Gadia, nenge, Mo je, M gema u nyian, u hingir garutya man ityôgh ki iyôgh man ugilgar mba togula, sha tar ne cii, man sha utor mba Yuda, man atiator a na, man upristi nav, kua ior mba ken inya la.

Hosea 6:5

Ka sha ci u nahan, M gber ve sha uprofeti ye; M wua ve sha mkaanem ma ken zwa Wam; ajiraôron a i ôr u yô, due fele er ka iwanger yô.

Habaku 3:11

Iyange man uwer tile gir gir hen ijiir ve, sha iwanger i avaan a Ou er a lu zan la, man sha iwanger i iwange You i iengem la.

Luka 23:46

Yesu kpaa yila sha imo i taver genger genger er: Tere, M na jijingi Wam sha ikev You. Kaan nahan yô, maa A sule.

Mbaefese 6:17

Shi tôô nen agunduutya u iyôô, ka myom je la; kua sanker u Jijingi, ka mkaanem ma Aôndo je la.

Mbaheberu 4:12

Gadia mkaanem ma Aôndo ma uma je, ma tem gbilin ga, ma hemba esen a hanma sanker u esen akur ahar cii, ka ma nyôr zan zan ma pav uma a jijingi man shi uijuan a mshiam kpaa, ka ma kar mbamhen kua mbaawashima kpaa.

Mpase U Yohane 1:16

lu a asan ataankarahar ken uwegh Nagh ku yanegh, sanker u esen akur ahar tsor tsor lu duen ken zwa Na, ishigh Nagh yô, lu er iyange ka ia ta taveraa nahan.

Mpase U Yohane 19:15

Sanker u esen tsor tsor due ken zwa Na sha u Una gber akuraior yô. Ka Un Una tema tor sha a sha tôgh ku iyôôgh ye. Shi ka Un kpaa Una shoghol ihungwa i wain i iyugh i sha ishima i vihin i Aôndo Uhembanagee la ye.

Mpase U Yohane 2:12

Nger hen ortyom u nongo u Kristu u hen Peregamu wer: Un u A lu a sanker u esen akur ahar tsor tsor la ngu ôron akaa ne nahan er:

Mpase U Yohane 2:16

gayô, Me va hen we fefa, Me va nôngo ityav a we sha sanker u ken zwa Wam ne.