Yesaia 49:11 - ICIGHAN BIBILO

¹¹ Iwo Yam cii kpaa Me gema i ia hingir gbenda, akômaigbinda Am kpaa aa hingir sha gunguluu.

Yesaia 49:11 Iomraidhean Croise

Upasalmi 107:4

Mbagenev zende wue wue ken desereti, gbenda kpaa lu ga, ve zua a gar u teman ker ga;

Upasalmi 107:7

A hemen ve sha gbenda u jighilii, sha er vea za ken gar u vea za tema ker yô.

Yesaia 11:16

Kômgbenda kpaa una lu sha ci u asande a ior Nav a a shi ken Ashiria la, er iyange lu sha ci u Iserael zum u a mough ken Igipiti la nahan.

Yesaia 19:23

Sha iyange la kômgbenda una due ken Igipiti u zan Ashiria; Orashiria nana nyôr ken Igipiti man Origipiti kpaa nana nyôr ken Ashiria; Mbaigipiti vea civir Aôndo a Mbaashiria imôngo.

Yesaia 43:19

Nenge, eren Yam kwagh u he; una due hegen je, ne kera nenge a mi gaa? Me er gbenda ken desereti man uifi ken taaikôngo.

Yesaia 52:12

Gadia nea due fele fe fele ga, nea yevese a yevese kpaa ga; gadia TER Una kar Una hemen ne, Aôndo u Iserael kpaa Una lu orkuran wen ken ijime.

Yesaia 57:14

A kaa er: Haa nen inya guree, haa nen inya guree, sôr nen gbenda, tôô nen ityôkwagh i nan gbev mbu nôngon sha gbenda u ior Av kera.

Yesaia 62:10

Nyôr nen, nyôr nen sha ihindagar, sôr nen ior gbenda, haa nen inya guree, haa nen inya sha igbudu guree, kohol awen kera, kende tuta sha sha ior!

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.