Yesaia 49:10 - ICIGHAN BIBILO

¹⁰ Ijen ia kôr ve ga shin imura kpaa ga; mtsee u ahumbe a tseen man oo kpaa ua ta ve ga; gadia u A zungu ve mhôônom la, Una hemen ve, Una hemen ve gbenda, Una za a ve hen amboramnger.

Yesaia 49:10 Iomraidhean Croise

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yesaia 32:2

Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

Yesaia 33:16

ka nan nana tema sha ijiir i sha ye, gar u sha avande ka ijiir i nan i waren ker; á na nan kwaghyan u nan mngerem ma nan ma manem maa lu keng je.

Yesaia 35:6

Tsô orkeer nana gba tsuwen er ashim nahan, man nombor u orkondoniker kpaa ua wa icam; gadia mngerem maa due shin inya ken taaikôngo kua uikuwanmbamngerev kpaa ken desereti.

Yesaia 35:7

Waarawa u hian war war ua hingir ityungumnger, man inya i imura i ker i la ia hingir amboramnger; hen ajiir a ugbaseela, ape ve yaven yô, toho ua lu man ikenaika kua ilyôgh kpaa.

Yesaia 4:6

Ityumbe ia lu atetan sha ci u mure u yeren oo ker, man sha ci u ijiir i yeren uraahumbe kua ura kpaa.

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 41:17

Mbaatsanev man mbaibanave ker mgerem, kpa ma ga, nombor ve uma sha ci u imura; Mo, TER, Me ungwa imo ve, Mo, Aôndo u Iserael, Me undu ve ga.

Yesaia 43:19

Nenge, eren Yam kwagh u he; una due hegen je, ne kera nenge a mi gaa? Me er gbenda ken desereti man uifi ken taaikôngo.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yesaia 48:21

Imura kôr ve, zum u A hemen ve ken udeserti la, ga; A er mngerem due ken vande sha ci ve; A pav vande, tsô mngerem gba kuwan.

Yesaia 51:14

Orkwar u nan var inya la á pase nan á tuhwa fese, nana kpe ga, nana sen shin ihungwa ga, kwaghyan u nan kpaa una ban nan ga.

Yesaia 52:12

Gadia nea due fele fe fele ga, nea yevese a yevese kpaa ga; gadia TER Una kar Una hemen ne, Aôndo u Iserael kpaa Una lu orkuran wen ken ijime.

Yesaia 54:10

Shin iwo ia kar kera, man agungu kpaa aa kpegher nahan kpaa erdoo Wam a we yô, una kar hen a we kera ga; ikuryan Yam i bem kpaa ia kpegher ga, kape TER u A zungu u mhôônom, A kaa la.

Yesaia 54:8

Ka sha ishima i nyoon M yer u ishigh Yagh sha anshighe kpeghee ye; kpa M zungwe u mhôônom sha erdoo u tsôron, kape TER Orpaan wou A kaa la.

Yesaia 58:11

TER kpaa Una hemen we gbenda gbem zan zan je, Una na uma wou una ide ken ajiir a ombor, Una taver akuhe ou; nahan wea hingir er ka sule u i ur u mngerem yô, man er ka imbor i i om mngerem mayange ga yô.

Yesaia 65:13

Nahan yô, Ter AÔNDO ngu kaan nahan er: Nenge, mbayev Av vea ya kwagh, kpa ne yô, nea lu ijen; nenge, mbayev Av vea ma kwagh, kpa ne yô, nea lu imura; nenge, mbayev Av Vea ember, kpa ne yô, kunya ua kôr ne;

Yeremia 31:9

Vea va a mliam ashe je, man ka sha mzamber Me hide a ve ye. Me va a ve hen ukungômbamngerev, sha gbenda u nôô, henpe vea ta nguhar kera ga yô; gadia Mo M ngu Iserael ter je, man Eferaim ka wan Wam.

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

Yona 4:8

Tsô zum u iyange due yô, Aôndo na ahumbe a tseen a sha ityoughkitaregh va; nahan iyange ta Yona sha ityou, zan zan a hume, a tôm er ma un kpe, a kaa er: Guda u me kpe a u me lu uma her.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

Mateu 5:6

Saan mba ijen i ker ve, man imura kpaa, sha kwagh u perapera la iyol, gadia vea ide.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.