Yesaia 49:1 - ICIGHAN BIBILO

¹ Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 49:1 Iomraidhean Croise

Upasalmi 22:10

Er i marem la je, i gemam i na U; er m lu ngôm ken uya je, ka We U lu Aôndo wam ye.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 24:15

Nahan yô, civir nen TER sha vegher u sha iwanger la; sha ityar i hen kpe u zegemnger, civir nen iti i TER, Aôndo u Iserael.

Yesaia 33:13

Ungwa nen, ne mba ne lu ken ica, kwagh u M er yô; man shi ne mba ne lu ikua kpaa, rumun nen er M lu a tahav yô.

Yesaia 41:1

Ne ityar i shin kpe u zegemnger, ver nen ato sha Mo ving; akuraior a̱ hide a agee a a her; ve̱ kporom, ve̱ ôr kwagh; sé za nen imôngo hen ijirôron.

Yesaia 42:12

Ve̱ na TER icivir, ve̱ pase iwuese Na ken ityar i hen kpezegemnger.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

Yesaia 45:22

Gema nen her a Mo, i̱ yima ne, ne akighir a tar cii; gadia M ngu Aôndo, mô ugen kpaa ngu ga.

Yesaia 45:3

Me na u akaa a injaa a ken ime man akaa a injaa a i yer a ken ajiir a myer, sha u ú fa er Mo M lu TER, u M yer u sha iti You yô, Mo Aôndo u Iserael.

Yesaia 46:3

Ver ato her a Mo, we ya u Yakob, man asande a hen ya u Iserael a a shi her la, ne mba M tee ne, hii sha mmar wen je, mba M tee ne hii ken uya je;

Yesaia 49:12

Nenge, mban ka ken ica ve dugh ye; mbala ka ken imbusutarimese man shin ityôtar kpaa; shi mbagenev ka ken tar u Shinim ve dugh ye.

Yesaia 49:5

Hegen yô, Ter ngu kaan, TER u A erem je er M lu ngôm ken uya, sha u M̱ lu Wanakiriki Na, M̱ hide a Yakob her a Na, sha u Iserael a̱ kohol her a Na yô—i civir Mo sha ashe a TER, Aôndo Wam kpaa hingir agee Am—

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 52:13

Nenge, á kpe Wanakiriki Wam iyol, á na Un icivir, á kende Un sha tsung je.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Yesaia 60:9

Ityar i hen kpezegemnger ia keghem, utso mba Tarshishi kpaa vea hemen sha u tôôn ônov ou mba ken ica van a ve; mba van a azurfa ve kua zenaria ve a ve imôngo, sha ci u iti i TER, Aôndo wou man sha ci u Icighan u Iserael, gadia A civir we.

Yesaia 66:19

Me er kwagh u cieryol ker atô ve, man mba ve wer ken a ve kpaa, Me tindi ve hen akuraior, ka hen Tarshishi man Pul man Ludi, mba ve keren avaan sha ada la, man hen Tubal man Yavan, hen ityar i hen kpezegemnger i gban ca, i i lu a ungwa icivir Yam ga, man i lu a nenge iengem Yam kpaa ga la; tsô vea pase icivir Yam ken akuraior.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 1:5

Er M lu a er u ken uya ga je tsô, M fa u, er u lu a due ken uya ga je tsô, M tsegha u; M ver u profeti u akuraior je.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Luka 1:15

Gadia una lu zegeor sha ishigh ki Ter; una tswer wain kua msôrom kpaa, una iv a Icighan Jijingi er una lu ngô na ken uya je.

Luka 1:31

Nenge, ú va wa iyav, ú mar wan u nomso, ú ii Un iti wer Yesu.

YOHANE 10:36

ka nyi man ne kaan a Un u Aôndo a tsegh Un, A tindi Un shin tar la, ner: U ngu tuhwan Aôndo, sha ci u M kaa Mer: M ngu Wan u Aôndo?

Mbagalatia 1:15

Kpa Aôndo u A tsegham er m lu ngôm ken uya je yô, shi A yilam sha mrumun u sha mhôôn,

Mbaefese 2:17

Man A va a Loho u Dedoo A yôô bem sha ci wen mba ne lu ica man bem sha ci u mba ve lu ikua ikua kpaa.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

1 Peteru 1:20

I vande fan Un je er i lu a gba tar ga yô, kpa i pase Un ken shighe u masetyô ne sha ci wen.